in

پی سی بی ہال آف فیم میں کھلاڑیوں کی شمولیت کی منظوری

پی سی بی ہال آف فیم میں کھلاڑیوں کی شمولیت کی منظوری

 

پاکستان کرکٹ بورڈ کے بورڈ آف گورنرز نے پی سی بی ہال آف فیم کی منظوری دے دی ہے۔

پی سی بی ہال آف فیم میں 6 کرکٹرز کی شمولیت کی منظوری دی گئی ہے۔ ان کھلاڑیوں میں سابق کپتان حنیف محمد،عمران خان ،جاوید میاں داد، وسیم اکرم، وقار یونس اور ظہیرعباس شامل ہیں۔

پی سی بی کےمطابق ہر سال مزید 3 کھلاڑیوں کو ہال آف فیم میں شامل کیا جائے گا اور ان شخصیات کا انتخاب ایک آزاد پینل کرے گا۔ بین الاقوامی کرکٹ سے کم ازکم 5 سال قبل ریٹائر ہونے والے کھلاڑی ہی پی سی بی ہال آف فیم میں شمولیت کے اہل ہوں گے۔ اس کا اعلان ہرسال 16 اکتوبرکوہوگا۔ یہ وہی دن ہے جب پاکستان نے سن 1952 میں پہلی مرتبہ ٹیسٹ کرکٹ کا آغاز کیا تھا۔

اس موقع پر چئیرمین پی سی بی احسان مانی نے کہا کہ نامور کرکٹرز نے دنیا میں پاکستان کی پہچان بنائی ہے۔ ہال آف فیم نامور کھلاڑیوں کی خدمات کا اعتراف ہے۔ ان کا کہنا ہے کہ ٹیسٹ کرکٹ کا درجہ ملنے سے اب تک پاکستان نے بہت سےایسے لیجنڈری اور نامور کرکٹرز پیدا کیے ہیں کہ جنہوں نےنہ صرف شاندار کارکردگی کا مظاہرہ کرتے ہوئے پاکستان کرکٹ کو دنیا کے نقشے پر اجاگر کیا ہے بلکہ اپنی بھی ایک پہچان بنائی ہے ۔



Source link

Leave a Reply

Your email address will not be published. Required fields are marked *

پی ایس ایل 2021 کےبقیہ میچز کا شیڈول جاری

پی ایس ایل 2021 کےبقیہ میچز کا شیڈول جاری

اداکارہ منشا پاشا اور جبران ناصر کا نکاح ہو گیا

اداکارہ منشا پاشا اور جبران ناصر کا نکاح ہو گیا