in

پاکستان سپرلیگ کےغیر ملکی کھلاڑی کارکردگی دکھانےکےلیےپُرجوش

پاکستان سپرلیگ کےغیر ملکی کھلاڑی کارکردگی دکھانےکےلیےپُرجوش

نامورغیرملکی کھلاڑیوں نے پاکستان سپر لیگ کے سیزن 6 میں اپنی صلاحیتوں کا لوہا منوانے کا عزم ظاہر کیا ہے۔

ایچ بی ایل پاکستان سپر لیگ سیزن 6 کا حصہ بننے والے دنیا کے معروف غیر ملکی کھلاڑی متحدہ عرب امارات کے دارالحکومت میں اکٹھا ہونا شروع ہوگئے ہیں۔ یہ نامور کھلاڑی لیگ کے بقیہ میچز میں اپنی صلاحیتوں کے بھرپور جوہر دکھا کر مداحوں کی دل جیتنے کے منتظر ہیں۔

فروری اور مارچ میں نیشنل اسٹیڈیم کراچی میں کھیلے گئے ایچ بی ایل پی ایس ایل 6 کے میچز میں اعلیٰ معیار کے کرکٹ مقابلے دیکھنے کو ملے تھے۔ سپر لیگ کے بقیہ مقابلوں کا یہی تسلسل شیخ زید اسٹیڈیم ابوظہبی میں بھی دیکھنے کو ملے گا۔ دنیائے کرکٹ میں ٹی 20 اسپیشلسٹ کی حیثیت سے کھیلنے والےمتعددغیرملکی کرکٹرز بھی لیگ کے بقیہ میچز میں ایکشن میں نظر آئیں گے۔

نیوزی لینڈ کے اوپنر مارٹن گپٹل اور آسٹریلیا کے ٹاپ آرڈر بیٹسمین عثمان خواجہ اور آل راؤنڈر جیمز فالکنر پہلی مرتبہ ایچ بی ایل پاکستان سپر لیگ میں شرکت کررہے ہیں جبکہ ویسٹ انڈیز کےآل راؤنڈر آندرے رسل، فیڈل ایڈورڈز، وکٹ کیپر بیٹسمین جانسن چارلس کی ایچ بی ایل پی ایس ایل میں واپسی ہوئے ہے۔

عثمان خواجہ، اسلام آباد یونائیٹڈ:۔

اسلام آباد یونائیٹڈ کے بیٹسمین عثمان خواجہ کا کہنا ہے کہ متعدد رکاوٹوں اور حالیہ چیلنجز کے باوجود ایچ بی ایل پی ایس ایل 6 کا منعقد ہونا کھلاڑیوں اور شائقین کرکٹ کے لیے ایک اچھی خبر ہے،یہ بہت مشکل وقت ہےمگر ہمیں یہ سمجھنا چاہیے کہ ان حالات میں کوئی بھی امور ماضی کی طرح ہموار انداز سے نہیں نمٹائے جاسکتےتاہم خوش آئند بات یہ ہے کہ ایونٹ کے منتظمنین اس محدود وقت میں ایونٹ کے انعقاد ممکن بنا رہے۔

انہوں نے کہا کہ اس پس منظر میں وہ اس لیگ کا حصہ بننے اور یہاں اپنے پیدائشی شہر سے تعلق رکھنے والی فرنچائز کی نمائندگی کرنے پر بہت پرجوش ہیں ،وہ لیگ میں یونائیٹڈ کی کامیابی میں اپنا حصہ ڈالنے کے منتظر ہیں۔ اپنے آبائی شہر سے تعلق رکھنے والی فرنچائز ، اسلام آباد یونائیٹڈ کی نمائندگی کرنا ان کے لیے اعزاز ہے،وہ اپنے والدین سے اس شہر اور یہاں کے باسیوں کی دلچسپ کہانیاں سن چکے ہیں اور سرخ اور گولڈن رنگ کی کٹ زیب تن کرکے میدان میں اترنے کے لیے بہت پرجوش ہیں۔

عثمان خواجہ نے مزید کہا کہ ہماری ٹیم نے کراچی میں عمدہ کارکردگی کا مظاہرہ کیا ، ہماری ٹورنامنٹ کے پلے آف مرحلے میں رسائی کے امکا نات موجود ہیں۔ کپتان شاداب خان اور ٹیم مینجمنٹ کی جانب سے دئیے گئے ہر ٹاسک کو مکمل کرنے کی ہر ممکن کوشش کریں گے۔



Source link

Leave a Reply

Your email address will not be published. Required fields are marked *

اسلام آباد میں مثبت کرونا کیسز کی شرح گرنے لگی

اسلام آباد میں مثبت کرونا کیسز کی شرح گرنے لگی

اداکارہ ایمن خان کی ہمشکل مناہل حمید کے سوشل میڈیا پرچرچے

اداکارہ ایمن خان کی ہمشکل مناہل حمید کے سوشل میڈیا پرچرچے