in

لاہور: خواجہ سراء کے اندھے قتل کا معمہ حل ہوگیا

لاہور: خواجہ سراء کے اندھے قتل کا معمہ حل ہوگیا

لاہور ميں ہونیوالے خواجہ سراء کے قتل کا معمہ حل کرتے ہوئے پولیس بظاہر اصل قاتل تک پہنچ گئی۔

لاہور میں خواجہ سراء چنوں کی جلی ہوئی لاش چند روز قبل نشتر کالونی کے علاقے سے ملی تھی۔ پولیس کے مطابق مختلف پہلوؤں پر تفتيش ہوئی تو انکشاف ہوا کہ يہ محض حادثہ نہيں بلکہ ایک قتل ہے اور قاتل کوئی اور نہیں بلکہ مقتول کا قریبی دوست ہے۔

ملزم نے شواہد مٹانے کیلئے لاش تو جلادی تھی لیکن مقتول کا فون پر آخری رابطہ ملزم سے ہوا تھا، جس بنیاد پر پولیس ملزم تک پہنچ گئی اور قتل کی گتھی سلجھا لی گئی۔

دوران تفتیش ملزم نے اعتراف کرلیا ہے کہ مقتول نے اس سے چند ہزار روپے کا قرض لیا تھا لیکن واپسی کے حوالے سے ٹال مٹول کر رہا تھا، جس پر طیش میں آکر اس نے چنوں کو قتل کردیا اور پھر اس کی لاش نذر آتش کردی تاکہ وہ پہچانی نہ جاسکے اور دیگر شواہد بھی مٹ جائیں۔

پوليس کا کہنا ہے کہ کيس کی تفتيش ميں تاحال کسی اور کے ملوث ہونے کے شواہد نہيں ملے۔ قتل کرنے کے بعد ملزم مقتول کے آرٹيفشل زيورات اور نقدی ليکر غائب ہوگیا تھا۔

ملزم پیشے کے اعتبار سے ایک درزی ہے اور اس کی مقتول سے دوستی لاک ڈاؤن کے دوران ہوئی تھی تاہم لین دین کے تنازع پر وہ دوستی دشمنی میں تبدیل ہوکر قتل تک پہنچی۔



Source link

Leave a Reply

Your email address will not be published. Required fields are marked *

ایس اوپیز کی خلاف ورزی، اداکار جمی شیر گل گرفتار

ایس اوپیز کی خلاف ورزی، اداکار جمی شیر گل گرفتار

بھائی کے قتل کا بدلہ نوجوان نے ملزم کو عدالت میں فائرنگ کرکے قتل کردیا واقعہ کی فوٹیج بھی سامنے آگئی

بھائی کے قتل کا بدلہ نوجوان نے ملزم کو عدالت میں فائرنگ کرکے قتل کردیا واقعہ کی فوٹیج بھی سامنے آگئی