in

عمران خان کوبتادیا کہ شہزاداکبر قبول نہیں، نذیر احمد چوہان

عمران خان کوبتادیا کہ شہزاداکبر قبول نہیں، نذیر احمد چوہان

تحریک انصاف کے رکن پنجاب اسمبلی نذیر احمد چوہان کا کہنا ہے کہ ہم نے وزیراعظم کو بتادیا ہے کہ شہزاداکبر ہمیں کسی صورت قبول نہیں ہیں۔

سماء کے پروگرام آواز میں گفتگو کرتے ہوئے رہنماء تحریک انصاف کا کہنا تھا کہ منگل کی ملاقات میں وزیراعظم عمران خان کو جہانگیرترین کیس سے متعلق بریف کردیا ہے کہ اس سلسلے میں اداروں پر دباؤ ڈالا جارہا ہے۔

انہوں نے کہا کہ جہانگیرترین کے خلاف درج مقدمات میں چینی کا ذکرتک نہیں ہے۔ انہوں نے مزید کہا کہ جہانگیرترین نے تحریک انصاف کیلئے قربانیاں دی ہیں اور آج وہ پارٹی سے باہر بیٹھے ہیں، ان کے ساتھ انصاف کیاجائے اگر وہ غلط ثابت ہوتے ہیں تو ہم ان کا ساتھ نہیں دیں گے۔

نذیرچوہان کا کہنا تھا کہ وزیراعظم نے بیرسٹر علی ظفر کو کیس کا انچارج بنایا ہے اور اب شہزاداکبر اس کیس کے انچارج نہیں رہے۔ ان کا مزید کہنا تھا کہ وزیراعظم نے یقین دہانی کرائی ہے کہ اس کیس کو وہ خود دیکھیں گے اور کسی کے ساتھ ناانصافی نہیں ہونے دیں گے۔

احتسابی عمل پر اپوزیشن کے تحفظات سے متعلق ان کا کہنا تھا کہ اپوزیشن رہنماؤں کے خلاف کیسز موجودہ دور حکومت میں نہیں بنے یہ ان کے اپنے ادوار میں ایک دوسرے کے خلاف بنائے گئے کیسز ہیں۔

نذیرچوہان کا کہنا تھا کہ ہم چاہ رہے ہیں کہ جہانگیرترین کا احتساب بھی علیم خان اور سبطین خان کی طرح آزادانہ ہو۔ ان کا مزید کہنا تھا کہ وزیراعظم کو کسی نے غلط مشورہ دیا تھا کہ جہانگیرترین پر کیسز بناکر یہ  ثابت کیا جائے کہ ہم بلاتفریق احتساب کررہے ہیں۔

شاہ محمود قریشی کے حالیہ بیان سے متعلق ان کا کہنا تھا کہ ان کا اقدام جلتی پر تیل ڈالنے کے مترادف تھا اور جہانگیرترین کا یہ مقصد ہرگز نہیں کہ پارٹی کو کمزور کیا جائے۔

نذیر چوہان کا کہنا تھا کہ ہم شاہ محمودقریشی کے بیان کو اہمیت نہیں دیتے کیوں کہ بااصول لوگوں کو عہدوں کی ضرورت نہیں ہوتی جبکہ کچھ لوگوں کے پاس عہدوں کے باوجود کردار نہیں ہوتا۔



Source link

Leave a Reply

Your email address will not be published. Required fields are marked *

خیبرپختونخوا:آکسیجن کا استعمال 83 فیصد تک پہنچ گیا

خیبرپختونخوا:آکسیجن کا استعمال 83 فیصد تک پہنچ گیا

سوات: طالبہ نے سماجی رکاوٹوں کے باوجودچائے خانہ کھول لیا

سوات: طالبہ نے سماجی رکاوٹوں کے باوجودچائے خانہ کھول لیا