in

بنوں میں ایس اوپیز کی خلاف ورزی پر 185افراد گرفتار

بنوں میں ایس اوپیز کی خلاف ورزی پر 185افراد گرفتار

بنوں میں کرونا وائرس سے متعلق ایس او پیز کی خلاف ورزی کرنے پر ضلعی انتظامیہ اور پولیس نے  مختلف کارروائیوں کے دوران 110 مقدمات درج کرکے 185 افراد کو گرفتار کرلیا۔

بنوں انتظامیہ اور پولیس نے ضلع کے مختلف علاقوں میں 307 دکانوں، 30 مارکیٹس اور شاپنگ سینٹروں کو سیل کردیا جبکہ 320 افراد کو وارننگ جاری کی۔

ڈپٹی کمشنر بنوں کپٹین (ر) محمد زبیر خان  اور ڈی پی او بنوں عمران شاہد نے کہا کہ کرونا وائرس کی تیسری لہر میں تیزی اور خطرناک حد تک اضافہ ہورہا ہے۔

وباء کے پھیلاؤ کو روکنے کیلئے صوبائی حکومت کی طرف سے جاری کردہ احکامات کے پیش نظر تمام شاپنگ مالز اور بازار شام 6 بجے سے سحری تک بند رہیں گے جبکہ ہفتہ اور اتوار کو بازار مکمل طور پر بند ہوں گے۔

حکام کے مطابق میڈیکل اسٹورز، بیکریز، جنرل اسٹور، پولٹری، گوشت، فروٹ، سبزی اور دیگر اشیائے ضروریہ کی دکانیں اور پیٹرول پمپس ایس او پیز کے تحت کھلے رہیں گے۔

بنوں انتظامیہ کا کہنا ہے کہ حکومت کے جاری کردہ احکامات کی خلاف ورزی کرنے پر قانونی کارروائیاں عمل میں لائی  جائے گی۔

واضح رہے کہ گزشتہ 48 گھنٹوں کے دوران بنوں کے خلیفہ گل نواز اسپتال میں کرونا وائرس کے مزید 10 مریض جان سے چلے گئے جبکہ 18 نئے کیسز کی تصدیق ہوئی ہے۔



Source link

Leave a Reply

Your email address will not be published. Required fields are marked *

کرونا وباء: اکشےکمار کا 1کروڑ روپے کی امداد کا اعلان

کرونا وباء: اکشےکمار کا 1کروڑ روپے کی امداد کا اعلان

ترکی نے ملک بھر میں مکمل لاک ڈاؤن کا اعلان کردیا

ترکی نے ملک بھر میں مکمل لاک ڈاؤن کا اعلان کردیا