in

کراچی کے 4 ٹاؤنز میں لاک ڈاؤن لگا دیا گیا

کراچی کے 4 ٹاؤنز میں لاک ڈاؤن لگا دیا گیا

کرونا وائرس کے بڑھتے کیسز کے تناظر میں کراچی کے ضلع وسطی کے 4 ٹاؤنز میں مائیکر اسمارٹ لاک ڈاؤن لگا دیا گیا ہے۔

ضلعی انتظامیہ کی جانب سے جاری نوٹی فیکیشن کے مطابق 4 ٹاؤنز میں لگائے گئے مائیکرو اسمارٹ لاک ڈاؤن کا نفاذ فوری طور پر ہوگا، جو 8 مئی تک جاری رہے گا۔ مائیکرو اسمارٹ لاک ڈاؤن گلبرگ، نارتھ کراچی، لیاقت آباد اور نارتھ ناظم آباد کے رہائشی یونٹس میں لگایا گیا ہے۔

متاثرہ علاقوں کے مکینوں کی غیر ضروری نقل و حرکت پر پابندی لگادی گئی ہے۔ ان متاثرہ علاقوں میں موٹر سائیکل کی ڈبل سواری اور فیملی اجتماع پر بھی پابندی ہوگی۔ علاقے میں پبلک اجتماعات، لوگوں کے جمع ہونے پر پابندی ہوگی۔ ضروری اشیا کی دکانیں 24 گھنٹے کھلی رہیں گی، جب کہ کاروبار اور دفاتر بند رہیں گے۔

اس دوران لوگوں کو گھروں میں رہنے کا پابند کیا جائے گا۔ صرف ضروری اشیا کیلئے ہی لوگوں کو گھروں سے نکلنے کی اجازت ہوگی۔ اس موقع پر ماسک کا استعمال لازمی ہوگا۔

دوسری جانب حیدرآباد کے 17 سے زائد علاقوں میں آج سے 5 مئی تک اسمارٹ لاک ڈاؤن نافذ کردیا گیا ہے۔ واضح رہے کہ سندھ میں گزشتہ روز کرونا وائرس کے مزید 923 کیسز رپورٹ ہوئے ہیں، جب کہ اس وبا کے باعث 6 افراد انتقال کرگئے۔

واضح رہے کہ اس سے قبل کراچی کے علاقے کیماڑی کے مختلف علاقوں میں مائیکرو اسمارٹ لاک ڈاؤن نافذ کیا گیا تھا، جو 7 مئی تک جاری رہے گا۔



Source link

Leave a Reply

Your email address will not be published. Required fields are marked *

پی آئی اے کاطیارہ چین سے کروناویکسین لیکراسلام آبادپہنچ گیا

پی آئی اے کاطیارہ چین سے کروناویکسین لیکراسلام آبادپہنچ گیا

پنجاب بھر میں لاک ڈاؤن میں توسیع،مزید سخت پابندیاں

پنجاب بھر میں لاک ڈاؤن میں توسیع،مزید سخت پابندیاں