in

حکومت فرانسیسی سفیرکو نکالنے کے حق میں نہیں، اعجازچوہدری

حکومت فرانسیسی سفیرکو نکالنے کے حق میں نہیں، اعجازچوہدری

تحریک انصاف کے رہنماء سینیٹر اعجاز چوہدری کا کہنا ہے کہ وزیراعظم عمران خان اپنے پالیسی بیان میں واضح کرچکے ہیں کہ فرانسیسی سفیر کو ملک سے نہیں نکالا جاسکتا۔

سماء کے پروگرام آواز میں گفتگو کرتے ہوئے سینیٹراعجازچوہدری نے کہا کہ ہمارا کالعدم تحریک لبیک پاکستان سے یہی معاہدہ ہوا ہے کہ ہم قرارداد کو پارلیمنٹ میں پیش کریں گے اور وہ جو فیصلہ کرے گی اس پر عملدرآمد کریں گے۔

رہنماء تحریک انصاف کا کہنا تھا کہ قوم کا اجتماعی شعور پارلیمنٹ سے ظاہر ہوتا ہے چنانچہ ہم نے یہی معاہدہ کیا تھا کہ ہم معاملے کو پارلیمنٹ کے سامنے رکھیں گے اور ہم نے اپنا وعدہ پورا کردیا۔

 قرارداد سے متعلق ان کا کہنا تھا کہ قومی اسمبلی میں اس پر بحث ہوگی اور اگر پارلیمنٹ نے منظوری دی تو سفیر کو نکال دیں گے لیکن فی الحال ہم چاہتے ہیں کہ یہ معاملہ ایک بار پارلیمنٹ میں طے ہوجائے۔

رہنماء تحریک انصاف کا کہنا تھا کہ ماضی میں پیپلزپارٹی نے مولانا صوفی محمد، مولانا طاہر القادری اور ن لیگ نے تحریک لبیک پاکستان سے اس قسم کے معاہدے کئے تھے لیکن مسئلہ اپنی جگہ موجود ہے۔

انہوں نے کہا کہ حکومت نے جو معاہدہ کیا تھا اس میں 20 اپریل تک کا وقت تھا مگر اس سے پہلے ہمارے پاس ایجنسیوں کی رپورٹ تھی کہ اسلام آباد کے اردگرد لاکھوں لوگ اکٹھا ہورہے ہیں اس لئے ہمیں اقدامات کرنے پڑے۔

اعجازچوہدری نے کہا کہ اگر ہم پیشگی اقدامات نہ کرتے تو صورتحال ہمارے تصور سے بھی زیادہ خراب ہوسکتی تھا۔

رہنماء تحریک انصاف کا کہنا تھا کہ وزیراعظم عمران خان نے پوری دنیا کو بتایا ہے کہ توہین رسالت صلی اللہ علیہ وسلم کا معاملہ اظہار رائے کے آزادی نہیں اور اس سے دنیا بھر کے مسلمانوں کے جذبات مجروح ہوتے ہیں۔



Source link

Leave a Reply

Your email address will not be published. Required fields are marked *

اسلام آباد چیمبرکے صدر سردار یاسر الیاس نے سی ڈی اے بائے لاز میں ترمیم کا مطالبہ کردیا 

اسلام آباد چیمبرکے صدر سردار یاسر الیاس نے سی ڈی اے بائے لاز میں ترمیم کا مطالبہ کردیا 

مرچ کا کھیتوں سے مارکیٹ تک کا سفر

مرچ کا کھیتوں سے مارکیٹ تک کا سفر