in

کالعدم تحریک لبیک پاکستان نے دھرنا ختم کردیا

کالعدم تحریک لبیک پاکستان نے دھرنا ختم کردیا

کالعدم تحریک لبیک پاکستان نے قومی اسمبلی میں فرانسیسی سفیر کی بیدخلی سے متعلق قرار داد پیش اور منظور ہونے کے بعد منگل کو مسجد رحمت اللعالمین کے باہر دھرنا ختم کرنے کا اعلان کردیا۔

کالعدم تحریک لبیک کا دھرنا ختم کرنے کا اعلان مولانا شفیق امینی نے کارکنوں سے خطاب کرتے ہوئے کیا۔ ان کا کہنا تھا کہ حکومت نے ٹی ایل پی کے مطالبات تسلیم کرلئے اور فرانسیسی سفیر کی ملک سے بیدخلی سے متعلق قرار داد بھی قومی اسمبلی میں پیش کردی ہے۔

شفیق امینی نے مزید کہا کہ حکومت نے تحریک لبیک پاکستان کے سربراہ سعد حسین رضوی اور گرفتار کارکنان کی رہائی کا بھی حکم دیدیا ہے۔

کالعدم مذہبی و سیاسی جماعت کے دھرنے کے خاتمے کے بعد لاہور کے علاقوں چوک یتیم خانہ اور اطراف کے علاقوں میں ٹریفک کی روانی بحال ہوگئی۔

اس سے قبل گستانہ خاکوں کے معاملے پر فرانس کے خلاف قرارداد قومی اسمبلی میں منظور کرلی گئی۔

قرارداد کے متن میں لکھا ہے کہ ایوان متنازعہ فرانسیسی میگزین چارلی ہیپڈو کی طرف سے یکم ستمبر 2020 کو ناموس رسالت کی گستاخی اور توہین آمیز خاکوں کی اشاعات کی پرزور مذمت کرتا ہے۔

قرارداد میں مطالبہ کیا گیا ہے کہ فرانسیسی سفیر کو ملک سے نکالنے کے معاملہ پر بحث کی جائے، تمام یورپی ممالک بالخصوص فرانس کو معاملے کی سنگینی سے آگاہ کیا جائے اور تمام مسلم ممالک سے معاملے پر سیر حاصل بات کی جائے اور اس مسئلے کو اجتماعی طور پر بین الاقوامی فورمز پر اٹھایا جائے۔

ایوان میں یہ بھی مطالبہ کیا گیا کہ بین الاقوامی تعلقات کے معاملات ریاست کو طے کرنا چاہیئے اور کوئی فرد، گروہ یا جماعت اس حوالے سے بے جا غیرقانونی دباؤ نہیں ڈال سکتا۔

اسکے علاوہ صوبائی حکومتیں تمام اضلاع میں احتجاج کے لیے جگہ مختص کریں تا کہ عوام الناس کے روزمرہ کے معمولات زندگی میں کسی قسم کی کوئی رکاوٹ نہ آئے۔



Source link

Leave a Reply

Your email address will not be published. Required fields are marked *

DOLLAR, CURRENCY, PAKISTAN

اوپن مارکیٹ میں ڈالر مہنگا، آج کے کرنسی ریٹ

کروناوائرس: پنجاب میں انٹرا سٹی پبلک ٹرانسپورٹ بحال

کروناوائرس: پنجاب میں انٹرا سٹی پبلک ٹرانسپورٹ بحال