in

اپوزیشن کے پاس موجودہ صورتحال کاحل ہوتوپیش کرے، ملیکہ بخاری

اپوزیشن کے پاس موجودہ صورتحال کاحل ہوتوپیش کرے، ملیکہ بخاری

تحریک انصاف کی رہنماء ملیکہ بخاری کا کہنا ہے کہ اپوزیشن کے پاس معاملے کے حل کیلئے کوئی تجویز ہے تو سامنے لائے، ہم غور کریں گے۔

سماء کے پروگرام ندیم ملک لائیو میں گفتگو کرتے ہوئے ملیکہ بخاری نے کہا کہ اگر اپوزیشن معاملات کے حل میں کوئی کردار ادا کرنا چاہتی ہے تو حکومت اس کا خیر مقدم کرے گی لیکن پاکستان مسلم لیگ نون اور جمعیت علمائے اسلام  کے موجودہ رویے کی وجہ سے پارلیمنٹ میں حساس معاملات پر گفتگو نہیں ہوسکتی۔

ملیکہ بخاری نے کہا کہ وزیراعظم نے پیر کے روز اس معاملے پر عوام کو اعتماد میں لیا ہے جس دوران انہوں نے ٹی ایل پی کی بات سے اتفاق کیا تاہم اس کے طریقۂ کار کو غلط قرار دیا۔

ان کا کہنا تھا کہ ٹی ایل پی کے ساتھ سینئر وفاقی وزراء نے مذاکرات کیے تھے اور معاہدہ سفیر کو ملک سے نکالنے کا نہیں بلکہ معاملہ پارلمنٹ میں پیش کرنے کا طے پایا تھا۔

انہوں نے بتایا کہ تحریک لبیک پاکستان کے ساتھ اس وقت چوہدری سرور کی سربراہی میں مذاکرات کا تیسرا دور جاری ہے۔

ان کا کہنا تھا کہ ملک میں امن کیلئے شہریوں اور فوج نے جان کے نذرانے پیش کیے ہیں۔ ان کا مزید کہنا تھا کہ اگر دنیا بھر کے مسلمان مل کر ایک مہم چلائیں گے تو اس میں وزن ہوگا۔

پاکستان مسلم لیگ نون کا تذکرہ کرتے ہوئے انہوں نے کہ وہ مولانا فضل الرحمان کے ساتھ مل کر مدارس کے بچوں کے ذریعے ملک میں انتشار پھیلانے کی کوشش کررہی ہے۔ انہوں نے دعویٰ کیا کہ ن لیگی رہنماؤں کی ویڈیو موجود ہیں جن میں وہ لوگوں کو بھڑکا رہے ہیں۔

تحریک انصاف کی رہنماء نے کہا کہ پانامہ کیس میں دنیا نے دیکھا تھا کہ نوازشریف نے ملک کو 20 سال لوٹا اور عوام سے جھوٹ بولتے رہے۔

ملیکہ بخاری کا کہنا تھا کہ تھر میں بچے بھوک سے مر رہے ہیں، سندھ میں گندم چوہے کھا جاتے ہیں لیکن سندھ کے حکمرانوں کو کوئی پرواہ نہیں ہے۔



Source link

Leave a Reply

Your email address will not be published. Required fields are marked *

قیوم آباد میں ٹینکر کی موٹرسائیکل کوٹکر، 2افراد جاں بحق

قیوم آباد میں ٹینکر کی موٹرسائیکل کوٹکر، 2افراد جاں بحق

ناسا کے ہیلی کاپٹر کی مریخ پر کامیاب پرواز

ناسا کے ہیلی کاپٹر کی مریخ پر کامیاب پرواز