in

ڈیجی ٹانکس کیس: ایف آئی اےکا جےآئی ٹی بنانےکا فیصلہ

FIA RAID

وفاقی تحقیقاتی ادارے (ایف آئی اے) نے ڈیجی ٹانکس کیس میں مشترکہ تحقیقاتی ٹیم (جے آئی ٹی) بنانے کا فیصلہ کرلیا۔

سٹی کورٹ کراچی میں آئی ٹی کمپنی ڈیجی ٹانکس پر منی لانڈرنگ اور جعلسازی کے الزام سے متعلق کیس کی سماعت ہوئی۔ ایف آئی اے کے تفتیشی افسر نے عدالت کو ڈیجی ٹانکس کیس میں جے آئی ٹی بنانے کے فیصلے سے آگاہ کیا۔

ایف آئی اے تفتیشی افسر نے عدالت کو بتایا کہ کیس انتہائی حساس ہے اس لیے معاملے کی تحقیقات ضروری ہے جس کے لیے جے آئی ٹی بنانے کی سفارش کی گئی ہے۔

عدالت نے جے آئی ٹی بنانے سے متعلق خط طلب کرتے ہوئے ریمارکس دیے کہ جے آئی ٹی تشکیل دینے کے بعد لیٹر کاپی عدالت میں بھی پیش کی جائے۔

نئے تفتیشی افسر نے کیس میں پیش رفت رپورٹ پیش کرنے کے لیے مہلت مانگی، جس پر عدالت نے تفتیشی افسر سے 15 روز میں پیش رفت رپورٹ طلب کرلی۔

سافٹ ویئر ہاؤس کے دفتر پر چھاپہ

ایف آئی اے نے 12 جنوری کو شارع فیصل پی ای سی ایچ ایس کے علاقے میں قائم بزنس ایوینیو کی عمارت کے اندر موجود سافٹ ویئر ہاؤس ڈیجی ٹانکس کے دفتر پر خفیہ اطلاعات پر چھاپہ مارا تھا۔ اس دوران کمپیوٹرز سمیت دیگر سامان قبضے میں لیا گیا۔

چھاپے کے دوران سافٹ ویئر ہاؤس میں کام کرنے والے 8 افراد کے بیانات بھی لیے گئے۔

ڈپٹی ڈائریکٹر ایف آئی اے عبدالغفار نے چھاپے کی تصدیق کرتے ہوئے کہا تھا کہ فی الحال کارروائی سے متعلق میڈیا کو کچھ نہیں بتا سکتے۔ سرکاری بیان بعد میں جاری کیا جائے گا۔ کمپنی کے بین الاقوامی مشکوک رابطوں کے حوالے سے کارروائی کی گئی جبکہ ایک ملازم کو بھی حراست میں لیا گیا۔



Source link

Leave a Reply

Your email address will not be published. Required fields are marked *

شہباز شگری کی سابقہ اہلیہ نے شادی کرلی

شہباز شگری کی سابقہ اہلیہ نے شادی کرلی

ہالی ووڈ اداکارہ جاڈا پنک اسمتھ کی حجاب میں تصاویروائرل

ہالی ووڈ اداکارہ جاڈا پنک اسمتھ کی حجاب میں تصاویروائرل