Shaukat Shabbir
فیصل آباد میں موبائل نمبر لیک کرنے کے شبے پر خاتون کے اہلخانہ نے ميڈيکل اسٹور ملازم کی پٹائی کردی۔ جھگڑے کی سی سی ٹی وی فوٹیج بھی منظر عام پر آگئی۔
خاتون کا دعویٰ تھا کہ گلستان کالونی میں فارمیسی پر ادویات لیتے ہوئے انہیں اپنا موبائل نمبر درج کروانا پڑا جس کے بعد سے ہی انہیں فون پر نازیبا پیغامات موصول ہونا شروع ہو گئے۔
اس صورتحال پر خاتون نے اہلخانہ سے شکایت کی جنہوں نے فارمیسی پر ہلا بول کر ملازم کو تشدد کا نشانہ بنایا۔ تاہم اس واقعے کے بعد انچارج فارمیسی نے تھانے میں خاتون سمیت 4 افراد کے خلاف مقدمے کے اندراج کی درخواست دے دی۔
