in

سیشن کورٹ: جہانگیراورعلی ترین کی2مقدمات میں ضمانت میں توسیع

سیشن کورٹ: جہانگیراورعلی ترین کی2مقدمات میں ضمانت میں توسیع

لاہور کی سیشن اور بینکنگ کورٹ نے جہانگیر ترین اور علی ترین کی ضمانت میں توسیع کردی۔

اپریل 10 کو لاہور کے سیشن کورٹ میں جہانگیر ترین اور علی ترین کی ضمانت میں توسیع سے متعلق درخواست کی سماعت کی۔ آج ہونے والی سماعت میں عدالت نے جہانگیر ترین اور علی ترین کی حاضری مکمل کی۔

سماعت کے آغاز میں ایڈیشنل سیشن جج نے پوچھا کہ کیا ایف آئی اے کو کورٹ کے اختیار پر کوئی اعتراض تو نہیں، جس پر ایف آئی اے حکام کا کہنا تھا کہ ہمیں کوئی اعتراض نہیں ہے۔ عدالت ملزمان کو انویسٹی گیشن جوائن کرنے کا حکم دے۔

اس موقع پر جج حامد حسین نے کہا کہ ایف آئی اے ہر ملزم کا کردار بتائے، انویسٹی گیشن شفاف ہونی چاہیے۔ تمام ملزمان ایف آئی اے میں شامل تفتیش ہوں۔ جس پر ایف آئی اے نے کہا کہ ہميں عدالت کے دائرہ اختيار پر کوئی اعتراض نہيں۔

عدالت نے جہانگیر ترین اور علی ترین کی ضمانت میں 22 اپریل تک توسیع کردی، جس کے بعد جہانگير ترين اور علی ترين بنکنگ کورٹ روانہ ہوگئے۔ دونوں کی 2 مقدمات میں ضمانت ميں توسيع دی گئی۔

دوسری جانب بینکنگ عدالت نے بھی جہانگیر ترین اور علی ترین کی ضمانت میں 17 اپریل تک توسیع کر دی ہے۔

سماعت کے بعد میڈیا سے گفتگو میں جہانگیر ترین کے وکیل کا کہنا تھا کہ ایف آئی اے نے کل جہانگیر ترین اور علی ترین کو بلایا تھا۔ جہانگیر ترین اور علی ترین پیش ہوئے تھے۔ بظاہر لگ رہا ہے کہ ایف آئی اے دوبارہ طلب کرے گا۔ کرونا کے حالات عدالت کے سامنے ہیں۔

میڈیا سے گفتگو میں راجہ ریاض کا کہنا تھا کہ ہم جتنے دوست اکٹھے ہوئے ہیں، ہم بلیک میل نہیں کر رہے۔ قائد عمران خان ہیں، ہم جہانگیر ترین کے ساتھ ہیں۔ سازش کر کے جہانگیر ترین کے خلاف مقدمات بنائے گئے۔ جب کہ جہانگیر ترین کا کہنا تھا کہ انکوائری اور انویسٹیگیشن کریں لیکن آزادانہ کریں۔ تفتیشی ٹیم متعصبانہ تحقیقات کر رہی ہے۔ اس وقت جو ہو رہا ہے وہ کسی کی ہدایت پر ہو رہا ہے۔

انہوں نے کہا کہ جتنے بھی ساتھی ساتھ آتے ہیں ان کا شکریہ ادا کرتا ہوں۔ جب عدالت بلائے گی آؤں گا اور اپنا دفاع کروں گا۔ میں قانون کے سامنے حاضر ہوں۔



Source link

Leave a Reply

Your email address will not be published. Required fields are marked *

اہم خبر:یوٹیلٹی اسٹورزپررمضان ریلیف پیکج آج سے شروع

اہم خبر:یوٹیلٹی اسٹورزپررمضان ریلیف پیکج آج سے شروع

Pak SA T20

پاکستان، جنوبی افریقہ کے درمیان پہلا ٹی20 آج کھیلا جائیگا