in

کم عمر ڈرائیورز کے والدین سے ٹریفک پولیس کا شکوہ

کم عمر ڈرائیورز کے والدین سے ٹریفک پولیس کا شکوہ

متواتر مہم،چالان سےبھی مسئلہ حل نہیں ہورہا

سڑکوں پر کم عمر ڈرائیورز کا گاڑیاں دوڑانا نہ صرف ان کی اپنی بلکہ دیگر شہریوں کی جان کے لیے بھی خطرے کا باعث ہوتا ہے جس کا اندازہ اس بات سے لگایا جاسکتا ہے کہ لاہور میں رواں برس کے پہلے 3 ماہ کے دوران ٹریفک حادثات سے دوچار ہونے والے ڈرائیورز میں سے 2 ہزار ایسے تھے جو لائسنس کے اجراء کے اہل نہیں تھے کیوں کہ ان کی عمریں چھوٹی تھیں۔

سٹی ٹريفک پوليس کا کہنا ہے کہ کم عمر ڈرائيورز کی وجہ سے آئے روزٹريفک حادثات اور انسانی جانوں کا ضياع ہوتا ہے۔ لاہور ميں 40 لاکھ سے زائد موٹرسائيکل ہيں جنہيں چلانے والوں کی بڑی تعداد کم عمر ڈرائيورز کی ہے۔

پولیس کا کہنا ہے کہ گزشتہ سال کے دوران 15 ہزار 5 سو 98 مرتبہ والدین کو ان کے کم عمر بچوں کے ٹریفک چالان کیے جانے سے آگاہ کیا گیا لیکن اس کے باوجود ایسے واقعات میں کمی نہیں آ رہی اور اکثر بچوں کے گاڑی چلانے کی ويڈيوز بھی منظرعام پر آتی رہتی ہیں۔

پولیس نے شکوہ کیا کہ کم عمر افراد کو گاڑی يا موٹرسائيکل چلانے سے روکنے کے ليے پولیس کی جانب سے بار بار مہم بھی چلائی جاتی ہے لیکن اس حوالے سے والدین اپنا کردار ادا نہیں کر رہے اور اپنے بچوں کو اس غیر قانونی کام سے نہیں روک رہے۔



Source link

Leave a Reply

Your email address will not be published. Required fields are marked *

رمضان میں عمرہ زائرین کے لیے خوشخبری

رمضان میں عمرہ زائرین کے لیے خوشخبری

ہم تحریک انصاف نہیں جہانگیرترین کے ساتھ ہیں، خرم لغاری

ہم تحریک انصاف نہیں جہانگیرترین کے ساتھ ہیں، خرم لغاری