in

سندھ نجی شعبے سے مہنگی کروناویکسین خریدرہا ہے، ٹرانسپیرنسی انٹرنیشنل

سندھ نجی شعبے سے مہنگی کروناویکسین خریدرہا ہے، ٹرانسپیرنسی انٹرنیشنل

ٹرانسپیرنسی انٹرنیشنل نے سندھ حکومت کی جانب سے نجی شعبے سے کرونا ویکسین کی خریداری پر تحفظات کا اظہار کردیا۔ وفاقی وزیر اسد عمر کو لکھے گئے خط میں مؤقف اختیار کیا گیا ہے کہ سندھ حکومت کمپنی کے بجائے مڈل مین سے ویکسین خرید رہی ہے، مہنگے داموں ویکسین خریدنے سے قومی خزانے کو اربوں روپے کے نقصان کا خدشہ ہے۔

ٹرانسپرنسی انٹرنیشنل نے سندھ حکومت کی جانب سے نجی شعبے سے کرونا وائرس کی کین سائنو ویکسین کی خریداری پر تحفظات کا اظہار کردیا، اس حوالے سے وفاقی وزیر اور این سی او سی کے سربراہ اسد عمر کو خط بھی لکھ دیا۔

خط میں ٹرانسپیرنسی انٹرنیشنل کا کہنا ہے کہ سندھ نجی شعبے سے ویکسین مہنگے داموں خرید رہا ہے، کمپنی کے بجائے مڈل مین سے کرونا ویکسین کے ایک کروڑ انجیکشن خریدے جارہے ہیں، یہ خریداری وفاقی احکامات کیخلاف اور غیر قانونی ہے۔

خط میں مزید کہا گیا ہے کہ نجی شعبے سے سندھ حکومت کین سائنو ویکسین خرید رہی ہے، جس سے خزانے کو اربوں روپے نقصان ہوگا۔

واضح رہے کہ ڈریپ (ڈرگ ریگولیٹری اتھارٹی پاکستان) نے سائنو فارم، کین سائنو بایو، ایسٹرا زینیکا اور اسپٹنک 5 کے استعمال کی اجازت دے دی ہے، پاکستان میں سائنو فارم اور کین سائنو  کے علاوہ اسپٹنک 5 کی ویکسین کا بھی استعمال شروع ہوچکا ہے جبکہ کوویکس کے ذریعے ملنے والی ایسٹرا زینیکا تاحال پاکستان نہیں پہنچی۔



Source link

Leave a Reply

Your email address will not be published. Required fields are marked *

کروناوائرس: 24گھنٹوں میں ریکارڈ 103ہلاکتیں

کروناوائرس: 24گھنٹوں میں ریکارڈ 103ہلاکتیں

لکی مروت: افیون کی فصل تلف کردی گئی

لکی مروت: افیون کی فصل تلف کردی گئی