in

صوابی: اے ٹی سی جج کے قتل کا مقدمہ درج

صوابی: اے ٹی سی جج کے قتل کا مقدمہ درج

صوابی میں انسدا دہشت گردی عدالت کے جج آفتاب آفریدی کے قتل کی ایف آئی آر درج کرلی گئی ہے۔ مقدمے میں متعدد افراد کو نامزد کیا گیا ہے۔

خیبر پختونخوا کے علاقے صوابی میں اتوار کی شام انبار انٹر چینج کے قریب 2 گاڑیوں میں سوار ملزمان نے اے ٹی سی کے جج کی گاڑی کو روک کر اس پر فائرنگ کی تھی۔ فائرنگ سے جج آفتاب، ان کی اہلیہ اور 2 بچے جاں بحق ہوئے تھے۔ جج آفتاب آفریدی اپنے اہل خانہ کے ہمراہ صوابی سے اسلام آباد جا رہے تھے۔

واقعہ کا مقدمہ صوابی کے تھانے چھوٹا لاہور میں درج کیا گیا ہے۔ مقدمہ مقتول کے بیٹے کی مدعیت میں درج کیا گیا، جس میں متعدد افراد کو نامزد کیا گیا ہے۔ ایف آئی آر کے مطابق مخالفین نے سابقہ قتل کے معاملے پر دشمنی چل رہی تھی، جس پر انہوں نے والد ، والدہ سمیت چاروں افراد کو گولیاں مار کر قتل کیا۔

ڈی پی او محمد شعیب کا کہنا ہے کہ جج آفتاب آفریدی کے قتل کی تحقیقات کیلئے پولیس جوائنٹ آپریشن ٹیم نے پشاور اور خیبر میں کارروائیاں کی ہیں۔ اس دوران کارروائی میں 5 مشتبہ افراد کو گرفتار کیا گیا ہے۔ ڈی پی او کا مزید کہنا تھا کہ گرفتار افراد کی شناخت مقتول جج کے بیٹے کرینگے۔ ایف آئی آر میں شامل 2 گاڑیاں بھی برآمد کی گئی ہیں۔ شناخت پریڈ عمل کے بعد مزید تفتیش کی جائے گی۔

یہاں یہ بات بھی قابل ذکر ہے کہ مقتول جج آفتاب آفریدی سوات میں اے ٹی سی کورٹ کے جج تھے۔ انہیں 2 ماہ قبل سوات میں تعینات کیا گیا تھا۔ آفتاب آفریدی کے قتل پر سوات بار نے آج بروز پیر 5 اپریل کو یوم احتجاج کا اعلان کیا ہے۔ صدر سوات بار عنایت خان نے کہا کہ عدالتوں میں کوئی پیشی نہیں ہوگی۔

دوسری جانب وزیراعظم عمران خان نے جج آفتاب آفریدی اور ان کے بيوی بچوں کے قتل کی سخت الفاظ ميں مذمت کی ہے۔ اپنے بیان ميں وزيراعظم نے کہا کہ واقعے کے ذمہ داروں کو گرفتار کرکے قانون کےمطابق سزادی جائے گی۔



Source link

Leave a Reply

Your email address will not be published. Required fields are marked *

ماؤ باغیوں کا بھارتی فوجیوں پر حملہ،22 فوجی ہلاک

ماؤ باغیوں کا بھارتی فوجیوں پر حملہ،22 فوجی ہلاک

ماہرہ خان کی میک اپ کے بغیر تصویر شیئر مداحوں کو انوکھا ٹاسک دے دیا

ماہرہ خان کی میک اپ کے بغیر تصویر شیئر مداحوں کو انوکھا ٹاسک دے دیا