in

این اے 75ڈسکہ: نقشہ اوردیگر ریکارڈ سپریم کورٹ میں جمع

این اے 75ڈسکہ: نقشہ اوردیگر ریکارڈ سپریم کورٹ میں جمع

این اے 75 ڈسکہ کا ضمنی انتخاب پرتشدد واقعات کے بعد کالعدم قرار دیئے جانے اور دوبارہ پولنگ سے متعلق کیس کی سماعت کے دوران الیکشن کمیشن آف پاکستان نے نقشہ اور دیگر ریکارڈ جمع کرادیا۔ جس میں کہا گیا ہے کہ چیف سیکریٹری کو 20 منٹ میں 7 فون کئے لیکن جواب نہ ملا۔

سپریم کورٹ نے این اے 75 ڈسکہ کے حوالے سے گزشتہ روز کی سماعت کا تحریری حکم جاری کردیا گیا جس میں لکھا گیا کہ کہ جائزہ لیں گے الیکشن کمیشن کا ڈسکہ میں شدید ردعمل دائرہ اختیار میں تھا یا نہیں-

حکم نامے میں کہا گیا ہے کہ شفاف اور منصفانہ انتخابات کرانا الیکشن کمیشن کا اختیار ہے، سوال یہ ہے کہ دوبارہ انتخاب کیلئے شواہد، قانون کی خلاف ورزی کا معیار کیا ہونا چاہئے، دوبارہ انتخاب کے حکم کیلئے ٹربیونل کا معیار الیکشن کمیشن کیلئے نہیں ہوسکتا۔

عدالت عظمیٰ نے الیکشن کمیشن سے این اے 75 کا نقشہ طلب کرلیا اور کہا کہ نقشے کے ذریعے بتایا جائے کن پولنگ اسٹیشنز پر قانون کی کیا خلاف ورزیاں ہوئیں۔

عدالتی حکم کے بعد الیکشن کمیشن آف پاکستان نے این اے 75 ڈسکہ کا نقشہ اور دیگر ریکارڈ جمع کرادیا۔

الیکشن کمیشن کا کہنا ہے کہ پرتشدد واقعات کے بعد چیف سیکریٹری کو 20 منٹ میں 7 فون کالز کیں، یہ تمام کالز صبح کے وقت کی گئیں، جس پر کوئی جواب نہیں ملا۔ الیکشن کمیشن نے دیگر افسران کو کی گئی کالز کا ریکارڈ بھی عدالت میں جمع کرایا۔

الیکشن کمیشن کا کہنا ہے کہ حلقے کے 38 پولنگ اسٹیشنز پر فائرنگ کے واقعات پیش آئے، 54 پولنگ اسٹیشنز پر ٹرن آؤٹ 35 فیصد سے کم تھا، لاپتہ پریزائیڈنگ افسران کے پولنگ اسٹیشنز کی تفصیلات پیش کردہ نقشے میں شامل ہیں۔

این اے 75 ڈسکہ میں دوبارہ پولنگ سے متعلق کیس کی مزید سماعت کل  (جمعہ کو) ہوگی۔



Source link

Leave a Reply

Your email address will not be published. Required fields are marked *

ماہرہ خان اور ہمایو ں سعید کی رومانوی انداز میں ’کپل ڈانس‘کرتےہوئے ویڈیو سامنے آگئی 

ماہرہ خان اور ہمایو ں سعید کی رومانوی انداز میں ’کپل ڈانس‘کرتےہوئے ویڈیو سامنے آگئی 

فریال تالپور سمیت 2اراکین سندھ اسمبلی کی رکنیت معطل کرنیکاحکم

فریال تالپور سمیت 2اراکین سندھ اسمبلی کی رکنیت معطل کرنیکاحکم