in

فیکٹ چیک: کیاتین تلوارکے قریب گرین بیلٹ ختم ہورہی ہے؟

فیکٹ چیک: کیاتین تلوارکے قریب گرین بیلٹ ختم ہورہی ہے؟

کراچی کے علاقے تین تلوار کے قریب گرین بیلٹ ختم نہیں کیا جارہا، اس بات کی جمعہ کو تصدیق ہوئی ہے۔

سوشل ایکٹیوسٹ اویس طور کی جانب سے چند روز قبل فیس بک پر ایک ویڈیو شیئر کی گئی جس میں دعویٰ کیا گیا ہے کہ اس کے پیچھے موجود کار شو روم کو راستہ دینے کیلئے گرین بیلٹ ختم کی جارہی ہے۔

طور نے ڈی ایم سی ساؤتھ حکام کے افسران پر الزام لگایا کہ وہ اسے ذاتی فائدے کیلئے ہٹارہے ہیں۔ ایکٹیوسٹ نے کہا کہ کراچی میں گرین بیلٹس کو ڈی ایم ایس افسران کی ملی بھگت سے ہٹایا جارہا ہے۔

اویس طور کا یہ بھی کہنا تھا کہ گرین بیلٹ پبلک پراپرٹی ہے اور ڈی ایم سی انتظامیہ کو کسی کو فائدہ پہنچانے کیلئے اسے ہٹانے کا کوئی حق نہیں۔

ڈپٹی کمشنر جنوبی ارشاد سودھڑ نے سماء ڈیجیٹل سے گفتگو کرتے ہوئے ان الزامات کی سختی سے تردید کی۔ ان کا کہنا تھا کہ تین تلوار کے قریب گرین بیلٹ کسی کیلئے ختم نہیں کی جارہی، یہ پبلک پراپرٹی ہے اور ضلعی انتظامیہ اس بات کے حق میں ہے کہ ڈسٹرکٹ کو صفا اور ہرا بھرا بنایا جائے۔

انہوں نے واضح کیا کہ گرین بیلٹ کی خوبصورتی کیلئے کام جاری ہے اور اس کی تزین و آرائش کیلئے پتھروں کو تبدیل کیا جارہا ہے۔

ارشاد سودھڑ کا یہ بھی کہنا تھا کہ سوشل میڈیا پر جاری ویڈیو میں کوئی سچائی نہیں، انتظامیہ ضلع جنوبی کے چوراہوں اور گرین بیلٹ کو خوبصورت بنارہی ہے، اور کسی کو بھی انہیں نقصان پہنچانے کی اجازت نہیں دی جائے گی۔

ڈی ایم سی ساؤتھ کے ڈپٹی ڈائریکٹرز محکمہ پارکس محمد احمد نے سماء سے گفتگو میں کہا کہ تین تلوار گرین بیلٹ کو خوبصورت بانے کا کام آئندہ ہفتے تک مکمل کرلیا جائے گا، محکمہ پارکس گرین بیلٹ پر پتھر تبدیل اور فوارہ نصب کررہا ہے۔

محمد احمد کا کہنا ہے کہ اویس طور سابق کونسلر اور پاکستان تحریک انصاف کا رکن ہے، اس ویڈیو کا مقصد ڈی ایم سی ساؤتھ میں مثبت کاموں کے باوجود تنازع کھڑا کرنا تھا۔



Source link

Leave a Reply

Your email address will not be published. Required fields are marked *

لاہور کے اسپتال سے ملتان کا رہائشی 4سالہ بچہ لاپتہ

لاہور کے اسپتال سے ملتان کا رہائشی 4سالہ بچہ لاپتہ

بحرین: کرونا ویکسین لگوانے والوں کیلیے بینک کی پیشکش

بحرین: کرونا ویکسین لگوانے والوں کیلیے بینک کی پیشکش