in

پانی کی 48 انچ قطر کی لائن کا مرمتی کام مکمل

پانی کی 48 انچ قطر کی لائن کا مرمتی کام مکمل

واٹر اینڈ سیوریج بورڈ نے دھابیجی سے کراچی کو پانی فراہم کرنیوالی 48 انچ قطر کی لائن کی مرمت کا کام مکمل کرلیا، شہر کے مختلف علاقوں کو تین مارچ کو 72 گھنٹوں کیلئے پانی کی فراہمی بند کردی گئی تھی۔

کراچی کو فراہم کرنیوال 48 انچ قطر کی پائپ لائن دھابے جی سے پپر پمپنگ اسٹیشن کے درمیان خستہ حالی کا شکار تھی، جس کی مرمت کیلئے شہر کے مختلف علاقوں کو 3 مارچ کی صبح 8 بجے سے 72 گھنٹوں کیلئے پانی کی فراہمی معطل کی گئی تھی۔

سماء ڈیجیٹل سے گفتگو کرتے ہوئے کراچی واٹر اینڈ سیوریج بورڈ کے ترجمان رضوان حیدر نے تصدیق کی کہ 48 انچ قطر کی پائپ لائن کی مرمت کا کام مکمل کرلیا ہے۔

انہوں نے کہا کہ ضلع ملیر کو پانی فراہم کرنیوالی لائن کی مرمت کا کام شیڈول کے مطابق 6 مارچ کی صبح 8 بجے مکمل کرلیا گیا تھا۔

منیجنگ ڈائریکٹر کراچی واٹر اینڈ سیوریج بورڈ اسد اللہ خان کا کہنا ہے کہ پانی کی لائن کے مرمتی کام کو نظر انداز نہیں کیا جاسکتا تھا، لائن میں کئی مقامات پر لیکیج تھی جس کے باعث بڑی مقدار میں پانی ضائع ہورہا تھا۔

بن قاسم ٹاؤن، منزل پمپ، مظفر آباد کالونی، ملیر موریا خان گوٹھ، پی آئی اے کالونی اور اطراف کے علاقوں کو پانی کی فراہمی معطل تھی، جسے تین روز بعد بحال کردیا گیا۔ مرمتی کام کے دوران لانڈھی، شاہ فیصل ٹاؤن اور ماڈل کالونی کے کچھ علاقوں بھی پانی کی عدم فراہمی سے متاثر ہوئے۔

ترجمان کراچی واٹر اینڈ سیوریج بورڈ کا کہنا ہے کہ تمام علاقوں کو پانی کی فراہمی بحال کردی گئی ہے۔



Source link

Leave a Reply

Your email address will not be published. Required fields are marked *

کیا واٹس ایپ پیغامات 24 گھنٹے میں غائب ہوجائیں گے؟

کیا واٹس ایپ پیغامات 24 گھنٹے میں غائب ہوجائیں گے؟

عورت مارچ: کیا خواتین کو حقوق ملنے لگے ہیں؟

عورت مارچ: کیا خواتین کو حقوق ملنے لگے ہیں؟