in

آمدن سے زائد اثاثے: صفدرکی عبوری ضمانت 29مارچ تک منظور

Capt Safdar

نیب کی جانب سے آمدن سے زائد اثاثوں کے کیس میں طلبی پر لاہور ہائی کورٹ نے کیپٹن ريٹائرڈ صفدر کی عبوری ضمانت 29 مارچ تک منظور کرلی۔

پیر 8 مارچ کو کیپٹن ریٹائرڈ صفدر نے ضمانت کے لیے لاہور ہائی کورٹ سے رجوع کرتے ہوئے نیب لاہور کی جانب سے 10 مارچ کو طلبی کے نوٹس کو چیلنج کیا۔

درخواست ميں موقف اپنایا گیا کہ آمدن سے زائد اثاثوں کی انکوائری نیب پشاور میں بھی زیر التوا ہے اس لیے ایک ہی معاملہ پر 2 صوبوں میں انکوائری نہیں چل سکتی۔

آمدن سے زائد اثاثے: کيپٹن ریٹائرڈ صفدر نیب میں طلب

درخواست گزار کے مطابق سیاسی انتقامی کارروائی کی جا رہی ہے اور پہلے پولیس کی جانب سے دائر کیے گئے مقدمات بھی بھگت رہا ہوں۔ استدعا کی کہ عدالت نیب لاہور کو گرفتار کرنے سے روکنے کا حکم دے۔

عدالت نے عبوری ضمانت 29مارچ تک منظور کرتے ہوئے نیب سے جواب بھی طلب کرلیا۔

نیب کے بھجوائے گئے نوٹس میں کہا گیا تھا کہ کیپٹن ريٹائرڈ صفدر سندر انڈسٹریل اسٹیٹ کے قریب واقع فلورمل، مریم نواز کے نام پر موضع مال ميں اراضی، موضع بدوکی میں واقع 62 کنال 2 مرلہ اراضی، رائیونڈ میں 200 کنال اراضی، تحصیل رائیونڈ میں 42 کنال اراضی، موضع سلطان کے سندر روڑ میں مریم نواز کے نام 109 ایکڑ اراضی، جاتی امرا کے قريب ایگریکلچر فارم اور جیو اسٹیٹ فارم ہاؤس کی مکمل تفصیلات ہمراہ لائيں۔

نوٹس ميں کیپٹن صفدر کو اہل خانہ اور مبینہ فرنٹ مین کے ناموں سمیت دیگر جائیدادوں کی بھی مکمل تفصیلات ساتھ لانے کی ہدايت کی گئی ہے۔



Source link

Leave a Reply

Your email address will not be published. Required fields are marked *

افغانستان سے فوج کا انخلا، طالبان اور جوبائیڈن حکومت میں پہلا رابطہ

افغانستان سے فوج کا انخلا، طالبان اور جوبائیڈن حکومت میں پہلا رابطہ

ینگ سائنٹسٹ کا ایوارڈ حاصل کرنے والا پاکستانی طالبعلم

ینگ سائنٹسٹ کا ایوارڈ حاصل کرنے والا پاکستانی طالبعلم