in

سائنوفارم 60سال سے زائد عمر کے افراد کودینے کی منظوری

Pims Staff Vaccination Isb Pkg 28-02

ڈرگ ریگولیٹری اتھارٹی پارٹی (ڈریپ) نے 60 سال سے زائد عمر کے افراد کیلئے کرونا وائرس سے بچاؤ کی ویکسین سائنوفارم کے استعمال کی منظوری دیدی۔ ضعیف افراد کیلئے ویکسینیشن مہم 15 مارچ سے شروع ہوگی۔

پاکستان میں کرونا وائرس سے بچاؤ کی چینی ویکسین سائنو فارم کے ایمرجنسی استعمال کی منظوری 2 ماہ قبل دی گئی تھی جبکہ 3 فروری سے ملک بھر میں این آئی ایم ایس پر رجسٹرڈ ہونیوالے ہیلتھ ورکرز کو یہ ویکسین دی جارہی ہے۔ اب تک جن ہیلتھ ورکرز نے خود کو نیشنل امیونائزیشن مینجمنٹ سسٹم پر رجسٹرڈ نہیں کروایا وہ اور 60 سال سے زائد عمر کے افراد حکومت پاکستان کی ویب سائٹ پر جاکر ویکسینیشن کیلئے رجسٹریشن کراسکتے ہیں۔

وزیر خارجہ شاہ محمود قریشی نے تین مارچ کو بتایا تھا کہ چین نے سائنوفارم ویکسین کی مزید 5 لاکھ خوراکیں فراہم کرنے کی یقین دہانی کرائی ہے، اس سے قبل چین پاکستان کو 5 لاکھ خوراکیں فراہم کرچکا ہے، یہ ویکسین کرونا وائرس سے بچاؤ میں تقریباً 80 فیصد تک کار آمد ہے، جس کی 16 ممالک میں استعمال کی اجازت دی جاچکی ہے۔

ڈاکٹر فیصل سلطان کا کہنا ہے کہ تاحال پاکستان کے 4 لاکھ فرنٹ لائن ہیلتھ ورکرز میں سے 2 لاکھ 30 ہزار رجسٹریشن کراچکے ہیں، جنہیں ویکسین لگ چکی ہے۔

جنرل سیکریٹری ینگ ڈاکٹرز ایسوسی ایشن پاکستان ڈاکٹر سلمان کاظمی کا کہنا ہے کہ ڈاکٹر ویکسین لگوانے سے انکار نہیں کررہے بلکہ وہ آکسفورڈ کی تیار کردہ ویکسین آسٹرازینیکا کے انتظار میں ہیں۔



Source link

Leave a Reply

Your email address will not be published. Required fields are marked *

لاہور میں اسلحہ بنانے والی غیر قانونی فیکٹری پکڑی گئی اتنی بڑی تعداد میں اسلحہ برآمد کہ ویڈیو دیکھ کر آپ حیران رہ جائیں

لاہور میں اسلحہ بنانے والی غیر قانونی فیکٹری پکڑی گئی اتنی بڑی تعداد میں اسلحہ برآمد کہ ویڈیو دیکھ کر آپ حیران رہ جائیں

وزیراعظم کےاعتماد کاووٹ تسلیم نہیں کرتے، فضل الرحمان

وزیراعظم کےاعتماد کاووٹ تسلیم نہیں کرتے، فضل الرحمان