in

آئی جی سندھ کوہٹانے کیلئے وزیراعظم کوخط لکھ دیا، گورنرسندھ

آئی جی سندھ کوہٹانے کیلئے وزیراعظم کوخط لکھ دیا، گورنرسندھ

عمران اسماعیل نے سندھ میں گورنرراج کے امکان کومسترد کردیا

گورنر سندھ عمران اسماعیل نے ایک بار پھر واضح کیا ہے کہ صوبے میں گورنر راج نہیں لگے گا، سندھ میں پولیس کے ذریعے ہر قسم کی غنڈہ گردی ہورہی ہے، آئی جی سندھ فرائض کی انجام دہی میں ناکام نظر آتے ہیں، انہیں ہٹانے کیلئے وزیراعظم کو کہہ دیا۔

گورنر سندھ عمران اسماعیل نے حلیم عادل شیخ پر جیل میں تشدد کے معاملے پر پریس کانفرنس کرتے ہوئے سندھ حکومت پر کڑی تنقید کی۔ ان کا کہنا تھا کہ سندھ حکومت کے رويے سے بانی متحدہ کا دور ياد آگيا، وہ غنڈوں کے ذريعے کراچی پر راج کرنا چاہتے تھے، سندھ میں پولیس کے ذریعے ہر قسم کی غنڈی گردی ہورہی ہے، صوبے کو نو گو ایریا بنادیا گیا ہے۔

انہوں نے آئی جی سندھ پر سیاسی وابستگی کا الزام لگاتے ہوئے کہا کہ وہ فرائض کی انجام دہی میں ناکام نظر آتے ہیں، وزیراعظم کو خط لکھ کر صورتحال سے آگاہ کردیا، آئی جی سندھ کو تبدیل کرنے کا بھی کہا ہے، ایس ایس پیز اپنے ٹرانفسر اور ترقی کیلئے کچھ بھی کرنے کو تیار ہیں۔

گورنر سندھ نے کا یہ بھی کہنا تھا کہ تمام اداروں کو کہہ رہا ہوں کہ آپ نے اسٹیٹ کی ملازمت کرنی ہے، اپوزیشن جماعتوں کے ساتھ ناروا سلوک اور پارٹی بننا صاف نظر آتا ہے، اپوزیشن لیڈر کو گرفتار کرکے دہشتگردی کی دفعات لگائی گئیں، کسی کو خوش کرنے کیلئے کوئی کام کرنے کی ضرورت نہیں ہے، حق اور انصاف کے ساتھ نوکری کریں ورنہ وفاق اپنی رٹ قائم کرے گا، مجبور نہ کریں کہ انتہائی قدم اٹھایا جائے۔



Source link

Leave a Reply

Your email address will not be published. Required fields are marked *

ایران میں خواتین کارٹون کرداروں کیلئے بھی حجاب لازمی قرار

ایران میں خواتین کارٹون کرداروں کیلئے بھی حجاب لازمی قرار

روس: شیر کے گنگنانے کی ویڈیو وائرل

روس: شیر کے گنگنانے کی ویڈیو وائرل