Shaukat Shabbir
شمالی وزیرستان کے علاقے میر علی میں نامعلوم افراد نے فائرنگ کرکے 4 خواتین کو قتل کردیا۔
پولیس کے مطابق قتل کی گئی چاروں خواتین مقامی این جی او صبا ون کیلئے کام کرتی تھیں، جو علاقے کی خواتین سے ملاقات کیلئے جا رہی تھیں۔ عینی شاہدین کے مطابق حملہ آور خواتین کو قتل کرنے کے بعد ان کے شناختی کارڈز اور دیگر دستاویزات بھی اپنے ساتھ لے گئے۔
حملے میں گاڑی کا ڈرائیور بھی شدید زخمی ہوا، جسے فوری طبی امداد، جب کہ لاشوں کو ضروری کارروائی کیلئے ٹی ایچ کیو اسپتال میر علی منتقل کردیا گیا ہے۔
پولیس کے مطابق فائرنگ کا واقعہ گاؤں ائی پی کے قریب پیش آیا۔ حملے کی اطلاع ملتے ہی ایف سی، سیکیورٹی فورسز نے علاقے کی ناکہ بندی کرکے حملہ آوروں کی تلاش شروع کردی۔
جاں بحق خواتین اور زخمی ڈرائیور کا تعلق خیبر پختونخوا کے علاقے بنوں سے ہے۔
