in

تحریک انصاف میں بغاوت کے بعد عبدالقادر سے ٹکٹ واپس

تحریک انصاف میں بغاوت کے بعد عبدالقادر سے ٹکٹ واپس

سینیٹ الیکشن کے ٹکٹ کی تقسیم پر بلوچستان میں تحریک انصاف کے اندر اختلافات پیدا ہو گئے۔ کمیٹی کی جانب سے نامزد امیدوار عبدا القادر کو ریجنل صدور نے پیرا شوٹر، نیب زدہ اور شہباز شریف کا بزنس پارٹنر قرار دیدیا جس پر عبدالقادر سے ٹکٹ واپس لے کر ظہور آغا کو جاری کرديا گیا۔

پاکستان تحریک انصاف نے سینیٹ الیکشن کے لئے بلوچستان سے عبدالقادر کو امید وار نامزد کر دیا تھا۔ اراکین صوبائی اسمبلی نصیب اللہ مری نے ان کا نام تجویز کیا جبکہ مبین خلجی عبدالقادر کے تائید کنندہ بنے تھے۔

نصیب اللہ مری کا کہنا ہے کہ سینیٹ کا ووٹ پارٹی کی امانت ہے۔ پارٹی نے جسے نامزد کیا اسے ہی ووٹ دیں گے ۔

عبدالقادر کا کہنا ہے کہ میرا تعلق، تعلیم، کاروبار بلوچستان سے ہے۔ میں دو ہزار اٹھارہ میں سینیٹ الیکشن میں حصہ لے چکا ہوں اور دھرنوں کے دوران لاجسٹک سپورٹ بھی فراہم کی ہے۔

عبدالقادر کو ٹکٹ دینے پر پی ٹی آئی بلوچستان کے پارلیمانی لیڈر سردار یار محمد رند ریجنل صدور کے ہمراہ ڈٹ گئے اوت عبدالقادر کو پیرا شوٹرقرار دیدیا۔ ریجینل صدر نواب خان دمڑ نے کہا کہ عبدالقادر کا پی ٹی آئی بلوچستان سے کوئی تعلق نہیں۔ یہ پیرا شوٹر، نیب زدہ اور شہباز شریف کا بزنس پارٹنر ہے۔

پی ٹی آئی بلوچستان کے ریجینل صدور کہتے ہیں کسی بھی نظریاتی ساتھی کو سینیٹ الیکشن کا ٹکٹ دیا جائے حمایت کریں گے۔

پارٹی رہنماؤں کی بغاوت کے بعد وزیراعظم کے معاون خصوصی شہباز گل نے ٹوئٹ کرتے ہوئے کہا کہ پاکستان تحريک انصاف نے سینيٹ انتخابات کے ليے عبدالقادر سے ٹکٹ واپس لے کر ظہور آغا کو جاری کرديا ہے۔

شہباز گل نے کہا کہ عبدالقادر کو ٹکٹ دینے پر بلوچستان کی قيادت نے اعتراض کيا تھا اور کپتان ہمیشہ اپنے پارٹی ورکر کی آواز سنتا ہے۔



Source link

Leave a Reply

Your email address will not be published. Required fields are marked *

دوستوں کو کھانے والے آدم خور کو عمرقید

دوستوں کو کھانے والے آدم خور کو عمرقید

نواز شریف کو وطن واپسی کی صورت میں خصوصی پیشکش

نواز شریف کو وطن واپسی کی صورت میں خصوصی پیشکش