in

سدپارہ ودیگر کی تلاش کےلیےسرویلنس طیارہ استعمال ہوگا

سدپارہ ودیگر کی تلاش کےلیےسرویلنس طیارہ استعمال ہوگا

قومی ہيرو محمد علی سد پارہ ، جان اسنوری اور جے پی موہر کی تلاش کیلئے آج بروز منگل 9 فروری کو پھر سرچ اینڈ ریسکیو آپریشن شروع کیا گیا، تاہم کے ٹو پر شديد ہواؤں کے باعث ريسکيو آپریشن ميں مشکلات کے باعث گراؤنڈ آپریشن روک دیا گیا ہے۔

کے ٹو چوٹی پر لاپتا ہونے والے پاکستانی کوہ پیما محمد علی سد پارہ، جان اسنوری، اور جے پی موہر کی تلاش کیلئے آج پانچویں روز بھی سرچ اینڈ ریسکیو آپریشن کا آغاز کیا گیا، تاہم ریسکیو آپریشن کے دوران سخت موسم کے باعث ٹیم کو مشکلات کا سامنا کرنا پڑا۔

کے ٹو پر چلنے والی تیز ہواؤں کے باعث گراؤنڈ پر امدادی آپریشن بند کردیا گیا ہے۔ کوہ پیماؤں کی تلاش کیلئے پاک فوج کی جانب سے سرویلینس طیارہ پر استعمال کرنے کا فیصلہ کیا گیا ہے۔ تجزیہ کاروں کا کہنا ہے کہ یہ ملکی تاریخ کا سب سے بڑا فضائی آپریشن ہوگا، تاہم سرکاری سطح پر اس کی کوئی تصدیق نہیں ہوسکی ہے۔

سرویلینس طیارہ استعمال کرنے کا مقصد اس میں نصب جدید ترین کیمرے کی مدد سے علاقے کی چھان بین میں مدد ملے گی۔

طیارے میں نصب یہ جدید اسکینر کیمرے سے پورے ڈیتھ زون کی عکس بندی کی جائے گی۔ سرچ آپریشن میں علی سدپارہ کے بیٹے ساجد سدپارہ بھی حصہ لیں گے۔

ماہرین کا کہنا ہے کہ سرویلینس طیارے میں لگے کیمرے ہائی ریزولیشن ہیں جس سے فٹ بال کے برابر چیز بھی انتہائی صاف نظر آسکے گی۔ یہ سرویلینس طیارے ہیلی کاپٹر کے مقابلے میں زیادہ اونچی پرواز کی بھی صلاحیت رکھتے ہیں۔

بیس کیمپ سے موصول اطلاعات کے مطابق آج کے ٹو پر برفباری کا بھی امکان ہے۔ جب کہ علاقے کا موسم صبح سے ابرآلود ہے،علاقے میں ہلکی سورج کی کرنیں نکلنے کی توقع ہے، تاہم موسم میں بہتری دوپہر کے بعد متوقع ہے۔

واضح رہے کہ موسم سرما میں دنیا کے دوسرے بلند ترین پہاڑ سرکرنے کی مہم جوئی کے دوران علی سد پارہ، جان اسنوری اور جوان پابلو 5 فروری سے لاپتا ہیں۔

مائیکرو بلاگنگ سائٹ پر ڈیٹا مائنگ ایکسپرٹ غلام نبی بلتی کی جانب سے ٹوئٹ میں یہ دعویٰ کیا گیا ہےعلی سد پارہ کےکزن اور بھتیجا بھی کوہ پیماؤں کی تلاش میں نکل گئے ہیں۔ آخری اطلاعات تک امتیاز اور اکبر کے ٹو کے کیمپ 3 تک باحفاظت پہنچنے میں کامیاب ہوگئے تھے۔



Source link

Leave a Reply

Your email address will not be published. Required fields are marked *

فواد چوہدری کی اہلیہ نے فیشن کی دنیا میں قدم رکھ دیا

فواد چوہدری کی اہلیہ نے فیشن کی دنیا میں قدم رکھ دیا

پاکستان کے قرض کا پہاڑ

پاکستان کے قرض کا پہاڑ