in

ڈینیئل پرل کیس: احمدعمرسعیدشیخ ڈیتھ سیل سے بیرک میں منتقل

ڈینیئل پرل کیس: احمدعمرسعیدشیخ ڈیتھ سیل سے بیرک میں منتقل

سپریم کورٹ کے حکم کے تحت احمد عمر شیخ کو کراچی سینٹرل جیل میں ڈیٹھ سیل سے عام بیرک میں منتقل کردیا گیا۔ جیل سپرنٹنڈنٹ حسن سہتو نے تصدیق کردی۔

کراچی سینٹرل جیل کے سپرنٹنڈںٹ حسن سہتو نے سماء ڈیجیٹل سے گفتگو کرتے ہوئے تصدیق کی ہے کہ امریکی صحافی ڈینیئل پرل قتل کیس میں گرفتار احمد عمر سعید شیخ کو ڈیٹھ سیل سے عام بیرک میں منتقل کردیا گیا ہے۔

ان کا مزید کہنا تھا کہ ڈینیئل پرل قتل کیس میں گرفتار احمد عمر سعید شیخ کو ایک سے 2 روز میں کراچی میں ریسٹ ہاؤس منتقل کردیا جائے گا۔

سپریم کورٹ نے 28 جنوری 2021ء کو سندھ ہائیکورٹ کے حکم کیخلاف سندھ حکومت اور مقتول صحافی ڈینیئل پرل کے والدین کی اپیلیں خارج کرتے ہوئے احمد عمر سعید شیخ سمیت دیگر ملزمان کو رہا کرنے کا حکم دیا تھا۔

سندھ حکومت نے ڈینیئل پرل قتل کیس میں گرفتاری احمد عمر سعید شیخ سمیت دیگر ملزمان کی رہائی کا فیصلہ معطل کرنے کی درخواست کی تھی۔

سپریم کورٹ نے 2 فروری 2020ء کو سندھ حکومت کی درخواست مسترد کرتے ہوئے احمد عمر سعید شیخ کو ڈیتھ سیل سے ریسٹ ہاؤس منتقل کرنے کا حکم دیا تھا۔

کیس کا پس منظر کیا ہے؟

امریکا کے اخبار وال اسٹریٹ جرنل کے صحافی ڈینیئل پرل کو کراچی میں جنوری سال 2002 میں اغوا کیا گیا تھا جس کے بعد ان کی لاش اسی سال 2002 میں مئی میں برآمد کی گئی تھی۔

اس کیس میں پولیس نے 4 ملزمان کو گرفتار کیا تھا۔ انسدادِ دہشت گردی کی عدالت نے ان میں سے 3 ملزمان فہد نسیم، شیخ عادل اور سلمان ثاقب کو عمر قید کی سزا سنائی تھی جب کہ مرکزی ملزم احمد عمر سعید شیخ کو قتل اور اغوا کے جرم میں سزائے موت سنائی گئی تھی۔



Source link

Leave a Reply

Your email address will not be published. Required fields are marked *

پاکستان کا بیلسٹک میزائل ’غزنوی‘ کا کامیاب تجربہ

پاکستان کا بیلسٹک میزائل ’غزنوی‘ کا کامیاب تجربہ

ویڈیو: ترقیاتی فنڈز پر عمران خان کا یوٹرن

ویڈیو: ترقیاتی فنڈز پر عمران خان کا یوٹرن