in

جناح ایکسپریس ٹرین کو بحال کرنے کا فیصلہ

Pakistan Railway Train Lahore

لاک ڈاؤن کے دوران معطل کی جانے والے لکژری ٹرین جناح ایکسپریس کو پاکستان ریلویز کی جانب سے دوبارہ بحال کرنے کا فیصلہ کر لیا گیا۔

ریلویز ہیڈ کوارٹر کی جانب سے گزشتہ روز نوٹیفیکیشن جاری کیا گیا ہے جس کے مطابق 32 ڈاؤن جناح ایکسپریس 5 فروری کو لاہور سے کراچی کے لیے روانہ ہوگی جبکہ 31 اَپ جناح ایکسپریس 6 فروری کو کراچی سے لاہور کے لیے روانہ ہوگی۔

ریلوے حکام سے رابطہ کرنے پر انہوں نے تصدیق کی کہ ٹرین کو 5 فروری سے بحال کیا جا رہا ہے۔

ٹرینوں کی آن لائن ٹکٹنگ سروس تاحال بند،تکنیکی خرابی برقرار

لاہور سے کراچی اور کراچی سے لاہور کے درمیان چلنے والی نان اسٹاپ جناح ایکسپریس دوران سفر خانیوال، روہڑی اور حیدر آباد پر اسٹاپ کرے گی۔

ٹرین لاہور سے دوپہر 2 بج کر 45 منٹ روانہ ہو کر اگلے دن صبح 7 بج کر 15 منٹ پر کراچی پہنچے گی۔ لاہور سے کراچی آتے وقت ٹرین ڈرگ روڈ اسٹیشن پر بھی 2 منٹ کا اسٹاپ کرے گی۔ کراچی سے دوپہر 3 بجے ٹرین روانہ ہو کر اگلے دن صبح 7 بج کر 20 منٹ پر لاہور پہنچے گی۔

جناح ایکسپریس مسافروں کو ساڑھے 16 گھنٹے میں اپنی منزل تک پہنچائے گی۔ اکانومی کلاس کا یکطرفہ کرایہ 2ہزار 300 روپے اور اے سی بزنس کا کرایہ 5ہزار 250 روپے مختص کیا گیا ہے۔

مسافر ریزرویشن دفاتر اور اسٹیشن کے علاوہ آن لائن سروس سے بھی ٹکٹ خرید سکتے ہیں۔



Source link

Leave a Reply

Your email address will not be published. Required fields are marked *

سنجے دت کی بیٹی نے پے در پے صدمات کا کیسے مقابلہ کیا؟

سنجے دت کی بیٹی نے پے در پے صدمات کا کیسے مقابلہ کیا؟

بالی ووڈ اداکار ہیرتک روشن ہسپتال کے چوکیدار پر بھڑک اٹھے سوشل میڈیا پر ویڈیو وائرل

بالی ووڈ اداکار ہیرتک روشن ہسپتال کے چوکیدار پر بھڑک اٹھے سوشل میڈیا پر ویڈیو وائرل