in

وزیر خارجہ کا افغان ہم منصب سے ٹیلیفون پر رابطہ

Shah Mahmood

وزیر خارجہ شاہ محمود قریشی کا افغان ہم منصب محمد حنیف آتمر سے ٹیلیفون پر رابطہ ہوا جس میں شاہ محمود قریشی نے افغان ہم منصب کو 16جولائی کے واقعہ پر اقدامات سے آگاہ کیا۔

وزیر خارجہ نے کہا کہ ملزمان کی گرفتاری اور انہیں انصاف کے کٹہرے میں لانے کے لیے ہر ممکن اقدام اٹھائیں گے۔

شاہ محمود قریشی نے کہا کہ وزارتِ خارجہ مروجہ سفارتی روایات سے بخوبی آگاہ ہے۔ پاکستان میں قائم، افغان سفارتخانے اور قونصلیٹ کی سیکیورٹی میں مزید اضافہ کر دیا گیا۔

وزیر خارجہ کا کہنا تھا کہ امید ہے افغان حکومت سفارتکاروں کو پاکستان سے بلانے کے فیصلے پر نظرثانی کرے گی۔ افغانستان، پاکستان کے ساتھ دو طرفہ تعلقات کو خصوصی اہمیت دیتا ہے۔

افغان وزیر خارجہ نے واقعے کی تحقیقات میں ذاتی دلچسپی لینے پر وزیر اعظم کا شکریہ ادا کیا جبکہ افغان سفارتکاروں کی سیکیورٹی بڑھانے سے متعلق کاوشوں پر شاہ محمود قریشی کی تعریف کی۔

دونوں وزرائے خارجہ کا دو طرفہ دلچسپی کے امور پر روابط جاری رکھنے پر اتفاق ہوا جبکہ دونوں وزرائے خارجہ کے درمیان دو طرفہ امور پر تبادلہ خیال کیا گیا۔

افغان سفیر

واضح رہے کہ گزشتہ روز اسلام آباد میں افغان سفیر کی بیٹی کے اغواء کے واقعے کے بعد افغانستان نے پاکستان سے اپنے سفیر کو واپس بلا لیا۔

افغان وزارت خارجہ نے کہا ہے کہ سیکیورٹی خدشات کے باعث افغانستان اپنے سفیر اور دیگر سینیئر سفارت کاروں کو کابل واپس بلا رہا ہے۔

انہوں نے کہا کہ سیکیورٹی خدشات ختم ہونے تک تمام سفیر کابل میں ہی رہیں گے۔ مطالبہ کیا کہ اغوا کاروں کی گرفتاری اور ان کے خلاف قانونی کارروائی کی جائے۔



Source link

Leave a Reply

Your email address will not be published. Required fields are marked *

عمران اشرف کی خاتون مداح’موسیٰ’ بن گئیں

عمران اشرف کی خاتون مداح’موسیٰ’ بن گئیں

سلیکٹر نےمنہ لٹکاکر کشمیر مودی کےحوالےکیا، مریم نواز

سلیکٹر نےمنہ لٹکاکر کشمیر مودی کےحوالےکیا، مریم نواز