in

فیٹف سے متعلق بھارتی وزیرخارجہ کے بیان پرپاکستان کا ردعمل

Foreign Office

پاکستان کی وزارت خارجہ نے کہا کہ ایف اے ٹی ایف میں بھارتی منفی کردار کے بیان نے پاکستان کے مؤقف کو درست ثابت کیا ہے۔

ترجمان دفتر خارجہ نے اپنے ردعمل میں کہا ہے کہ بھارتی بیان نے نہ صرف اس کی اصلیت عیاں کردی ہے بلکہ ایف اے ٹی ایف میں بھارتی منفی کردار کے حوالے سے پاکستان کے طویل مدتی موقف کو بھی درست ثابت کیا ہے۔

ترجمان کا کہنا تھا کہ پاکستان نے ہميشہ عالمی برادری کو کہا ہے کہ بھارت فیٹف کو سیاست کا شکار کر رہا ہے۔ترجمان کے مطابق ایکشن پلان پر عمل درآمد کے لیے پاکستان مخلصانہ اور تعمیری انداز میں فیٹف سے رابطے میں ہے لیکن پاکستان کی پیشرفت پر بھارت بھونڈے ذرائع سے شک ظاہر کرنے کا ہرممکن طریقہ اختیار کرتا ہے۔ ماضی میں پاکستان باربار بھارت کے نقلی کردار کو عالمی برادری کے سامنے لاتا رہا ہے۔

ترجمان نے کہا کہ بھارت کے حالیہ اعتراف کو بھی ایف اے ٹی ایف کے نوٹس میں لایا جائے گا اور ہم ایف اے ٹی ایف پر زور دیتے ہیں کہ اس معاملے کو دیکھے۔

واضح رہے کہ بھارت کے وزير خارجہ جے شنکر نے کچھ روز قبل بی جے پی کی تقريب سے خطاب ميں کہا تھا کہ بھارت کی وجہ سے ہی پاکستان فيٹف کی نظروں ميں ہے اور اسے گرے لسٹ ميں برقرار رکھا گيا ہے۔

پاکستانی وزير خارجہ شاہ محمود قريشی پہلے ہی بتا چکے تھے کہ بھارت فيٹف کو سياسی طور پر استعمال کر رہا ہے۔



Source link

Leave a Reply

Your email address will not be published. Required fields are marked *

شرجیل میمن کا بیرون ملک جانے کی اجازت کےلئے سندھ ہائی کورٹ سے رجوع 

شرجیل میمن کا بیرون ملک جانے کی اجازت کےلئے سندھ ہائی کورٹ سے رجوع 

ڈالر کی قیمت میں اضافہ 

ڈالر کی قیمت میں اضافہ