in

افغان سفير کی بيٹی کو اغواء نہيں کيا گيا، وزیرداخلہ

Sheikh Rasheed Interior Minister

وفاقی وزیر داخلہ شیخ رشید احمد نے انکشاف کیا ہے کہ اسلام آباد میں افغانستان کے سفیر کی بیٹی کو اغواء نہیں کیا گیا۔

جیو نیوز سے گفتگو کرتے ہوئے وزیر داخلہ نے کہا کہ لڑکی گھر سے پيدل نکلی اور کھڈا مارکیٹ سے شاپنگ کی، افغان سفير کی بيٹی اپنی مرضی سے راولپنڈی گئی۔

وزیر داخلہ نے بتایا کہ لڑکی نے پہلے کہا موبائل فون لے گئے اور پھر ڈيٹا ڈيليٹ کر کے موبائل فون خود دے ديا۔

شیخ رشید نے کہا کہ لڑکی ايف7 سے دامن کوہ گئی اور وہاں سے ايف نائن پارک گئی۔ لڑکی نے دامن کوہ سے تيسری ٹيکسی لی اور گھر نہیں گئی جبکہ دامن کوہ ميں لڑکی نے انٹرنيٹ بھی استعمال کیا۔

وزير داخلہ نے واقعے کو عالمی سازش اور را کا ايجنڈا قرار دیتے ہوئے کہا کہ ميڈيا پر چلنے والی تصاوير اس لڑکی کی نہيں بلکہ جعلی ہيں۔

واضح رہے کہ اسلام آباد میں افغان سفیر کی بیٹی کے اغواء کے واقعے کے بعد افغانستان نے پاکستان سے اپنے سفیر کو واپس بلا لیا ہے۔

اسلام آباد میں تعینات افغانستان کے سفیر نجیب اللہ علی خیل کی بیٹی کو 16جولائی کو نامعلوم افراد نے اغواء کے بعد تشدد کا نشانہ بنایا اور کچھ گھنٹوں بعد چھوڑ دیا۔

افغانستان نے پاکستان سے اپنا سفیر واپس بلا لیا

افغان سفیر کی بیٹی کا بیان

اتوار 18جولائی کو افغان سفیر کی بیٹی نے پولیس کو بیان ریکارڈ کروا دیا۔ ان کا کہنا ہے کہ گھر سے کچھ دور ٹیکسی میں شاپنگ کیلئے گئی تھی۔ اچانک ایک شخص آیا اور ٹیکسی میں بیٹھ کر مجھ پر تشدد کرنے لگا۔



Source link

Leave a Reply

Your email address will not be published. Required fields are marked *

Afghan-Ambassador

افغانستان نے پاکستان سے اپنا سفیر واپس بلا لیا

ن ليگ کی مہم کےباعث وزيراعظم کوآزاد کشمير آناپڑا، مريم نواز

ن ليگ کی مہم کےباعث وزيراعظم کوآزاد کشمير آناپڑا، مريم نواز