in

ویکسین کرونا کا پھیلاؤ نہیں روکتی، قاسم سومرو

ویکسین کرونا کا پھیلاؤ نہیں روکتی، قاسم سومرو

پارلیمانی سیکرٹری صحت سندھ قاسم سومرو کا کہنا ہے کہ کرونا ویکسین وباء کے پھیلاؤ کو نہیں روکتی صرف مرض کی شدت کو کم کردیتی ہے۔

سماء کے پروگرام سات سے آٹھ میں گفتگو کرتے ہوئے قاسم سومرو کا کہنا تھا کہ کرونا ویکسین ہمیں وائرس کے شدید نقصان سے تحفظ دیتی ہے اور ہمیں بڑے نقصان سے بچاتی ہے۔
قاسم سومرو کا کہنا تھا وباء کے تعلق کسی سیاسی جماعت سے نہیں ہے بلکہ یہ ہمارا اجتماعی مسئلہ ہے۔
انہوں نے کہا کہ موجودہ وبائی صورتحال میں اگر کشمیر میں الکیشن مہم چل رہی ہے تو وہاں کی حکومت اور الیکشن کمیشن سے سوال ہونا چاہئے کہ انہوں نے ان حالات میں جلسوں کی اجازت کیوں دی۔
قاسم سومرو کا کہنا تھا کہ کرونا سب سے زیادہ شادی ہالز کی وجہ سے پھیل رہا ہے اور ہم نے وزیراعلیٰ سندھ سے درخواست بھی کی تھی کہ انہیں بند کردیا جائے لیکن فی الحال صرف تنبیہ کی گئی ہے کہ اگر وہ ایس او پیز پر عملدرآمد نہیں کرتے تو پھر ہمیں شادی ہالز بند کرنے پڑ جائیں گے۔
انہوں نے کہا کہ مویشی منڈی ایوسی ایشن والوں کو کہا گیا ہے کہ ایس او پیز پر ہر صورت عملدرآمد کرنا ہے اور اس کے علاوہ ہم نے منڈی میں کرونا ٹیسٹنگ کی سہولت بھی فراہم کی ہے۔
قاسم سومرو کا کہنا تھا کہ اسکولز بند کرنے کی وجہ یہ ہے کہ جب وہ کھلتے ہیں تو صبح سے دوپہر تک ملک بھر میں 5 کروڑ لوگوں کی سرگرمیاں جاری رہتی ہیں۔
انہوں نے کہا کہ ڈیلٹا ویرینٹ کا پھیلاؤ بہت تیزی سے ہوتا ہے جس کا اندازہ اس بات سے لگایا جاسکتا ہے کہ کرونا کی باقی اقسام سے ایک یا دو افراد متاثر ہوتے ہیں جبکہ ڈیلٹا ویرینٹ کے ایک کیس کے لیے ہمیں کم سےکم 15 افراد کی ٹیسٹنگ کرنی پڑتی ہے۔
قاسم سومرو کا کہنا تھا کہ جب لوگوں نے کرونا ایس او پیز پر عملدرآمد شروع کیا تو ہم وباء پر قابو پانے میں کامیاب ہوگئے تھے، اب بھی ہمارے پاس واحد آپشن ایس او پیز پر عملدرآمد ہی ہے۔



Source link

Leave a Reply

Your email address will not be published. Required fields are marked *

فرانس نے گوگل پر 500ملین یورو جرمانہ عائد کردیا

فرانس نے گوگل پر 500ملین یورو جرمانہ عائد کردیا

پشاور میں افغان طالبان کے حق میں ریلی

کوئٹہ میں افغان طالبان کے حق میں ریلی