in

پاک امریکا وزرائے خارجہ رابطہ، افغان صورتحال پر گفتگو

پاک امریکا وزرائے خارجہ رابطہ، افغان صورتحال پر گفتگو

وزیر خارجہ مخدوم شاہ محمود قریشی اور امریکی ہم منصب انتھونی بلکن نے ٹیلیفونک گفتگو کے دوران علاقائی امن اور استحکام کیلئے اعلیٰ سطح کے مذاکرات کی ضرورت پر زور دیا ہے۔

مائیکرو بلاگنگ سائٹ پر جاری بیان کے مطابق دونوں رہنماؤں کے درمیان انخلا کے بعد افغانستان کی صورت حال پر بات چیت کی گئی۔

مخدوم شاہ محمود قریشی کا کہنا تھا کہ پاکستان، امریکا کے ساتھ گہرے دو طرفہ اقتصادی تعاون، علاقائی روابط کے فروغ اور علاقائی امن کے حوالے سے دو طرفہ تعاون پر محیط، وسیع البنیاد اور طویل المدتی تعلقات کیلئے پرعزم ہے۔ افغانستان میں دیرپا امن کا قیام افغان قیادت، علاقائی و عالمی متعلقین کی مشترکہ ذمہ داری ہے۔

دونوں اطراف نے امریکی مالی تعاون سے وسط ایشیاء سے براستہ افغانستان پاکستان کے لئے توانائی اور رابطے جوڑنے کے مختلف منصوبہ جات پر بھی بات چیت کی۔ وزیر خارجہ نے علاقائی امن و استحکام کیلئے پاکستان اور امریکا کے مابین مربوط اور اعلیٰ سطح مذاکرات کی ضرورت پر زور دیا۔

وزیر خارجہ نے کرونا وبا کے پھیلاؤ کو روکنے کیلئے امریکا کی جانب سے فراہم کردہ معاونت پر امریکی وزیر خارجہ کا شکریہ ادا کیا۔ پاک امریکا وزرائے خارجہ نے افغان امن عمل میں بامقصد پیش رفت کے حصول کیلئے، دو طرفہ ربط اور تعاون بڑھانے کی ضرورت پر بھی زور دیا۔

امریکی وزیر خارجہ کے مطابق پاکستانی ہم منصب سے گفتگو میں دو طرفہ تعلقات کو مزید مضبوط بنانے پر بات چیت ہوئی۔ امریکا مستقبل میں بھی افغان امن عمل سمیت دیگر اہم مسائل پر تعاون آگے بڑھانے کے عمل کو جاری رکھے گا۔



Source link

Leave a Reply

Your email address will not be published. Required fields are marked *

مفتی تقی عثمانی حملہ کیس:ملزم اپنے پاس چاقو کیوں رکھتا تھا؟

مفتی تقی عثمانی حملہ کیس:ملزم اپنے پاس چاقو کیوں رکھتا تھا؟

بلاول بھٹو کو آئینہ دکھانا پڑے گا، عطاء تارڑ

بلاول بھٹو کو آئینہ دکھانا پڑے گا، عطاء تارڑ