in

ملالہ سے منسوب اسکول کا نام دوبارہ تبدیل کرنیکا فیصلہ

ملالہ سے منسوب اسکول کا نام دوبارہ تبدیل کرنیکا فیصلہ

سندھ حکومت نے ملالہ یوسف زئی سے منسوب کراچی کے اسکول کا نام دوبارہ تبدیل کرنے کا فیصلہ کرلیا۔ سوشل میڈیا پر مشن روڈ کے اسکول کا پرانا نام بحال کرنے اور شہر کی تاریخ کی حفاظت کا مطالبہ کیا جارہا تھا۔

کراچی کے علاقے مشن روڈ پر واقع ملالہ گورنمنٹ اسکول کا پرانا نام سیٹھ کور جی کھیم جی لوہانہ گجراتی اسکول تھا، جو ایک سماجی کارکن تھے۔ اس اسکول کا نام 6 فروری 2012ء کو ملالہ سے منسوب کردیا گیا تھا۔

سماء ٹی وی کے نمائندہ سنجے سادھوانی نے ایک ٹویٹ کی تھی، جس میں انہوں نے اسکول کی تصاویر کے ساتھ پیغام درج کیا تھا کہ ’’تاریخ کو مذہب سے ہٹ کر دیکھا جائے تو مناسب نہیں ہوگا، سیٹھ کور جی کھیم جی لوہانہ گجراتی اسکول کراچی کا نام ملالہ یوسف زئی گورنمنٹ گرلز سیکنڈری اسکول رکھنا کسی طور پر اچھا عمل نہیں ہے، حکومت سے اپیل ہے یہ نام واپسی کور جی کھیم جی رکھا جائے، تاریخ سے کھلواڑ بند کیا جائے‘‘۔

ہیومن رائٹس ایکٹیوسٹ کپل دیو نے اس ٹویٹ پر اپنا ردعمل دیتے ہوئے کہا تھا تھا کہ تاریخ کو نہ بدلا جائے، ہم وزیر تعلیم سندھ سعید غنی سے مطالبہ کرتے ہیں کہ اپنے فیصلے پر نظر ثانی کریں۔

انہوں نے تجویز دی کہ ایک نیا اسکول کھول کر اس کا نام ملالہ یوسف زئی کے نام پر رکھ دینا چاہئے۔

ایک اور ٹویٹر صارف نے لکھا کہ سیٹھ کور جی کھیم جی ایک تاریخی نام ہے، جسے محفوظ رکھنے کے ساتھ کراچی کی تعمیر میں گجرانی سندھیوں کے کردار کو اجاگر بھی کرنا چاہئے۔

سنجے سادھوانی کی ٹوئٹ پر تبصرہ کرتے ہوئے ملالہ یوسف زئی کے والد ضیاء الدین یوسف زئی کا کہنا تھا کہ اسکول کا پرانا اور حقیقی نام ضرور بحال کرنا چاہئے، ’’ہم اپنی تاریخ کا احترام کرنے کے پابند ہیں‘‘۔

انہوں نے مزید آگے سماجی کارکن کی جانب سے اس معاملے کو اجاگر کرنے پر شکریہ ادا کیا اور کہا کہ ’’ اگر ہماری ہندو برادری کو تکلیف اور اجنبیت کا احساس ہوا ہو تو معذرت خواہ ہوں‘‘۔

اس معاملے پر سعید غنی نے کہا کہ انہوں نے ایک جامع رپورٹ طلب کی ہے۔ انہوں نے وعدہ کیا کہ ’’یہ نام ضروری کارروائی کے بعد سرکاری طور پر بحال کیا جائے گا، یقیناً کسی دوسرے اسکول کا نام ملالہ کے نام رکھا جائیگا ہوگا۔



Source link

Leave a Reply

Your email address will not be published. Required fields are marked *

احسن اقبال کا چیئرمین نیب کو چیلنج

احسن اقبال کا چیئرمین نیب کو چیلنج

پاکستان افغان امن عمل کی مکمل حمایت کرتا رہیگا،آرمی چیف

پاکستان افغان امن عمل کی مکمل حمایت کرتا رہیگا،آرمی چیف