in

ناراض بلوچوں سے بات چیت:بلوچستان حکومت کا خیرمقدم

ناراض بلوچوں سے بات چیت:بلوچستان حکومت کا خیرمقدم

ترجمان بلوچستان حکومت لیاقت شاہوانی کا کہنا ہے کہ بلوچستان حکومت عمران خان کے ناراض بلوچوں سے بات چیت شروع کرنے کے بیان کا خیرمقدم کرتی ہے۔
سماء کے پروگرام سات سے آٹھ میں گفتگو کرتے ہوئے لیاقت شاہوانی کا کہنا تھا کہ وزیراعظم نے کل بیان دیا تھا اور فواد چوہدری نے آج بتادیا کہ ہم ناراض بلوچوں سے بات چیت کے روڈ میپ پر کام کررہے ہیں تو اس کا مطلب ہے کہ اب معاملات بیانات سے عمل کی طرف جا رہے ہیں۔
لیاقت شاہوانی کا کہنا تھا کہ صوبائی حکومت وفاق سے مل کر مذاکرات کے لیے لائحہ عمل تیار کرے گی اور ہمارا موقف یہ ہے کہ پہلے مرحلے میں ان لوگوں سے بات چیت کی جائے جو بات چیت کےلیے تیار ہیں۔
انہوں نے کہا کہ جن لوگوں کے تحفظات کم ہیں ان سے بات چیت کا آغاز کرکے سلسلے کو آگے بڑھانا چاہیے جس سے تصویر واضح ہوجائے گی۔
لیاقت شاہوانی کا کہنا تھا کہ ہوسکتا ہے شروع میں کچھ لوگ مذاکرات پر آمدہ نہ ہوں یا حکومت کچھ لوگوں سے بات چیت نہ کرنا چاہتی ہو مگر جب سلسلہ شروع ہوگا تو معاملے کا حل بھی نکل آئے گا۔
انہوں نے کہا کہ ڈاکٹرمالک نے براہمداغ بگٹی سے ملاقات کی تھی اور خان آف قلات سے بھی ملاقات کے لیے وفد بھیجا تھا مگر انہیں وزارت اعلیٰ کے منصب سے ہٹائے جانے کے بعد وہ سلسلہ رک گیا۔
لیاقت شاہوانی کا کہنا تھا کہ مذاکرات کا وہ عمل کہاں تک پہنچا تھا اور اس میں کیا رکاوٹیں حائل تھیں یہ تو اس وقت کے حکمران بتا سکتے ہیں لیکن ہمیں حالیہ اور سابقہ تجربات سے استفادہ کرنے کی ضرورت ہے۔



Source link

Leave a Reply

Your email address will not be published. Required fields are marked *

سرکاری ملازمین کو عید سے قبل تنخواہیں دینے کا فیصلہ

سرکاری ملازمین کو عید سے قبل تنخواہیں دینے کا فیصلہ

عمران خان کابغیرپروٹوکول،سیکیورٹی تقریبات میں شرکت کافیصلہ

عمران خان کابغیرپروٹوکول،سیکیورٹی تقریبات میں شرکت کافیصلہ