in

کراچی: برساتی نالے پر بنی جوبلی مارکیٹ زمین بوس ہوگئی

کراچی: برساتی نالے پر بنی جوبلی مارکیٹ زمین بوس ہوگئی

جوبلی مارکیٹ کو سیل کردیا گیا

کراچی کے علاقے گارڈن میں برساتی نالے پر تعمیر جوبلی مارکیٹ نالے کی صفائی کے دوران گیس کے دباﺅ کے باعث زمین بوس ہوگئی۔ حادثے میں کوئی جانی نقصان نہیں ہوا، جب کہ دکانوں میں موجود سامان تباہ ہوگیا۔

ریسکیو عملے کے مطابق امدادی کام جاری ہے۔ کے ایم سی حکام کے مطابق مذکورہ دکانیں خالی کرنے کیلئے نوٹس دیا گیا تھا۔ گزشتہ روز بدھ کو صبح 11بجے جوبلی مارکیٹ سے گزرنے والے نالے پر قائم 10دکانیں نالے کی صفائی کے کام کے دوران گیس کے دباﺅ کے باعث زمین بوس ہوئیں۔

دکانوں کو مسمار ہونے کے بعد فوری طور پر جوبلی مارکیٹ کو سیل کردیا گیا، جب کہ ضلعی انتظامیہ کی ٹیکنیکل ٹیموں نے نالے کے معائنے کے بعد گرنے کی وجہ، نالہ کا کمزور ہونا بتائی ہے۔

واضح رہے کے ایم سی محکمہ انسداد تجاوزات نے مذکورہ دکانوں کے مالکان کو سپریم کورٹ کے احکامات کی روشنی میں خالی کرنے کا نوٹس دیا ہوا ہے۔ پولیس کا کہنا ہے کہ نالا بیٹھ جانے کے باعث 10 سے زائد دکانوں کو نقصان پہنچا۔

یہاں یہ بات بھی قابل ذکر ہے کہ 30سال قبل جوبلی مارکیٹ جو اس وقت جوبلی سینما تھا، اس کے سامنے سے گزرنے والے نالے پر یہ دکانیں تعمیر کی گئیں تھیں جس کی وجہ سے گزشتہ کئی دہائیوں سے نالے کی صفائی نہیں کی جاسکی۔ گزشتہ دنوں نالے کی صفائی کے کام کے لئے دو دکانوں کو توڑا گیا تھا۔



Source link

Leave a Reply

Your email address will not be published. Required fields are marked *

فیصل آباد میں قلفی گرنے پر جھگڑا، بچہ جاں بحق

فیصل آباد میں قلفی گرنے پر جھگڑا، بچہ جاں بحق

کراچی: مختلف علاقوں میں تجاوزات کے خلاف آپریشن جاری

کراچی: مختلف علاقوں میں تجاوزات کے خلاف آپریشن جاری