in

قیدیوں کاتبادلہ،پاکستان اورسعودی عرب کا معاہدہ آخری مراحل میں ہے

قیدیوں کاتبادلہ،پاکستان اورسعودی عرب کا معاہدہ آخری مراحل میں ہے

پاکستان اور سعودی عرب کا قیدیوں کے تبادلے کا معاہدے آخری مراحل میں ہے جبکہ سری لنکا سے بھی قیدیوں کے تبادلے کا معاہدہ ہوگا۔

بدھ کو اسلام آباد میں سینیٹر منظور احمد کی زیر صدارت قائمہ کمیٹی وزارت سمندر پار پاکستانیوں کا اجلاس ہوا جس میں سیکرٹری وزارت سمندر پار پاکستانیوں نے کارکردگی پر بریفنگ دی۔

انھوں نے بتایا کہ دنیا بھرمیں 78لاکھ پاکستانی موجود ہیں اور ان میں زیادہ ترمزدور پیشہ طبقہ ہے۔رواں سال سمندر پار پاکستانیوں نے 28 ارب ڈالر بھیجے ہیں۔

بریفنگ میں بتایا گیا کہ دنیا بھر میں 15 ہزار پاکستانی جیلوں میں ہیں جب کہ 7 ہزار سے زائد قیدی خلیجی ممالک میں موجود ہیں۔ خلیجی ممالک کے قوانین غیرملکی قیدیوں کے لیے مختلف ہیں۔ خلیجی ممالک میں کچھ ممالک کو قیدی واپس بھیج دئیے جاتے ہیں۔ چیئرمین کمیٹی کا کہنا تھا کہ پاکستان کے قیدیوں کے مسائل زیادہ ہیں جبکہ یورپ  اور امریکہ میں قیدیوں سے برابر کا سلوک کیا جاتا ہے۔ سعودی عرب میں بعض قیدی دیت کیسز میں گرفتار ہیں اور ان کی دیت اتنی ہے کہ ہم ادا نہیں کرسکتے۔

ایم ڈی اوورسیز پاکستانیز نے بتایا کہ سعودی عرب کے ساتھ قیدیوں کے تبادلے کا معاہدہ آخری مراحل میں ہے جبکہ سری لنکا کے ساتھ بھی قیدیوں کے تبادلے کا معاہدہ ہوگا۔ سعودی عرب میں60 فیصد قیدی منشیات کے الزام میں گرفتار ہیں جبکہ خلیجی ممالک میں زیادہ تر منشیات کیس میں گرفتار افراد کے شکایت کندہ پاکستانی ہیں۔

 سیکرٹری وزارت اوورسیز پاکستانیز نے واضح کیا کہ منشیات میں گرفتار افراد کے کیس کی پیروی نہیں کی جاتی ہے۔



Source link

Leave a Reply

Your email address will not be published. Required fields are marked *

جب جونی لیورنے سیمی راحیل کو ویڈیوکال کی

جب جونی لیورنے سیمی راحیل کو ویڈیوکال کی

گوادر:میرین ڈرائیو پر شہریوں کا احتجاج، ٹریفک کی روانی متاثر

گوادر:میرین ڈرائیو پر شہریوں کا احتجاج، ٹریفک کی روانی متاثر