in

وفاقی کابینہ 17نکاتی ایجنڈے پر آج غور کرے گی

Federal cabinet meeting 2021

وزیراعظم عمران خان کی زیر صدارت وفاقی کابینہ کا اجلاس آج دن 12 بجے ہوگا جس میں کابینہ 17 نکاتی ایجنڈے پر غور کرے گی۔

کارٹلن ہوٹل کراچی کی زمین کے استعمال کا معاملہ ایک بار پھر کابینہ ایجنڈے میں شامل کیا گیا ہے جبکہ کابینہ ممنوعہ بور لائسنسز کے اجراء کی منظوری دے گی۔

پاکستان انٹرنیشنل ائیر لائن کوآپریشن لمیٹڈ بورڈ کے چیئرمین اور نیشنل ووکیشنل اینڈ ٹیکنیکل ٹریننگ کمیشن کے ایگزیکٹو ڈائریکٹر کی تعیناتی کی جائے گی۔ اسلام آباد کی ماسٹر پلاننگ کے لیے قائم کمیشن میں ممبران کی تعیناتی کی منظوری بھی شامل ہے۔

بینکوں سے متعلقہ خصوصی کیسز کی انسپیکشن رپورٹ کابینہ اجلاس کو پیش کی جائے گی۔ حکومتی اثاثوں کے عوض ڈومیسٹک اور انٹرنیشنل اجارہ اسکوک بانڈ جاری کرنے کا معاملہ بھی ایجنڈے میں شامل ہے۔

لکسمبرگ کے ساتھ دوہری شہریت کے معاہدے کی منظوری دی جائے گی جبکہ پبلک پراپرٹی کے لیے اینکروچمنٹ بل 2021 کی منظوری بھی ایجنڈے میں شامل ہے۔

کابینہ سپریم کورٹ اسٹاف کے لیے اسلام آباد میں ہاؤسنگ سوسائٹی اور سکھر الیکٹرک پاور کمپنی کے سی ای او کی تعیناتی کی منظوری دے گی۔

دیار بھاشا ڈیم کمپنی کے بورڈ آف ڈائریکٹرز کی تعیناتی بھی کی جائے گی جبکہ ڈرگ ریگولیٹری اتھارٹی کے سی ای او کی تعیناتی بھی ایجنڈے کا حصہ ہے۔

وفاقی کابینہ اقتصادی رابطہ کمیٹی کی فیصلوں کی بھی توثیق کرے گی۔



Source link

Leave a Reply

Your email address will not be published. Required fields are marked *

کرونا وائرس:1روزمیں27 اموات،شرح 1.69 فیصد

کرونا وائرس:1روزمیں27 اموات،شرح 1.69 فیصد

ویڈیو:ژالےسرحدی کی آوازمیں ‘یارنہ بچھڑے’ کا ٹائٹل سونگ وائرل

ویڈیو:ژالےسرحدی کی آوازمیں ‘یارنہ بچھڑے’ کا ٹائٹل سونگ وائرل