in

گجر نالہ متاثرین کی بلاول ہاؤس پر احتجاج کی کوشش

گجر نالہ متاثرین کی بلاول ہاؤس پر احتجاج کی کوشش

کراچی میں انسداد تجاوزات آپریشن کیخلاف اورنگی اور گجر نالے کے متاثرين نے بلاول ہاؤس کے قريب احتجاج کی کوشش کی۔ مظاہرین نے سندھ حکومت کیخلاف شدید نعرے بازی کی اور متبادل گھروں کی فراہمی کا مطالبہ کيا۔

مظاہرین کیخلاف پولیس بھی حرکت میں آئی اور خواتین سمیت کئی افراد کو گرفتار کرلیا۔

گجر اور اورنگی ٹاؤن نالے پر لیز مکانات گرانے کیخلاف متاثرین احتجاج ریکارڈ کرانا چاہتے تھے۔ یہ مظاہرہ کراچی بچاؤ تحریک کی حمایت سے کیا جارہا تھا۔

انسداد تجاوزات مہم کے آغاز سے گجر اور اورنگی ٹاؤن نالوں پر قائم گھروں کو گرانے کیخلاف کراچی بچاؤ تحریک کے تحت تمام مظاہروں کی نگرانی کرنیوالے خرم علی نے سماء ڈیجیٹل سے گفتگو میں بتایا پولیس نے مظاہرین کو بلاول ہاؤس جانے سے روک دیا۔

انہوں نے کہا کہ پولیس کو بلاول ہاؤس پر مظاہرے کی اطلاع مل گئی تھی جس کے بعد انہوں نے منصوبے کے تحت مظاہرین کو آگے جانے سے روکا اور گرفتار کرلیا۔

خرم علی کا کہنا ہے کہ مظاہرین کو گرفتار کرنے میں تین پولیس اسٹیشنوں کی ٹیمیں شریک تھیں، پریڈی، کلفٹن اور درخشاں تھانوں کے اہلکار احتجاجی مظاہرے میں شریک افراد کو گرفتار کرنے کیلئے تیار تھے۔

انہوں نے مزید کہا کہ پولیس نے تقریباً 150 افراد کو مختلف مقامات سے حراست میں لیا، انہوں نے مظاہرین کی بسیں روکیں اور انہیں گرفتار کرلیا۔

خرم علی کا دعویٰ ہے کہ پولیس نے کوثر نیازی کالونی میں واقع کراچی بچاؤ تحریک کے آفس میں توڑ پھوڑ کی اور وہاں سے بینرز اور پلے کارڈز اٹھا کر لے گئی۔

ان کا یہ بھی کہنا ہے کہ کچھ مظاہرین بلاول ہاؤس پہنچنے میں کامیاب ہوگئے تھے تاہم ہم اپنے گرفتار ساتھیوں کی فکر تھی، پولیس نے زیادہ تر مظاہرین کو چھوڑ دیا تاہم اب بھی ہمارے کچھ لوگ لاپتہ ہیں۔



Source link

Leave a Reply

Your email address will not be published. Required fields are marked *

جاوید جعفری کے ساتھ مادھوری ڈکشٹ کا ڈانس وائرل

جاوید جعفری کے ساتھ مادھوری ڈکشٹ کا ڈانس وائرل

پی ایس ایل6: کراچی کنگز فائنل کی دوڑ سےباہر

پی ایس ایل6: کراچی کنگز فائنل کی دوڑ سےباہر