in

سندھ میں پرائمری اسکول کھولنے کا فیصلہ

سندھ میں پرائمری اسکول کھولنے کا فیصلہ

سندھ میں پرائمری اسکول کھولنے کا فیصلہ کرلیا گیا ہے۔

ہفتے کو کراچی میں کرونا وائرس پر سندھ کی صوبائی ٹاسک فورس کا اجلاس ہوا۔ اجلاس میں فیصلہ کیا گیا کہ سندھ میں پرائمری اسکول 21 جون سے کھول دئیے جائیں گے۔ سندھ میں درگاہیں 28 جون سے کھولنے کا فیصلہ کیا گیا ہے۔ امیوزمنٹ پارکس اور انڈور جمز 28 جون سے کھولنے کا فیصلہ کیا گیا ہے۔

اجلاس میں بتایا گیا کہ کرونا وائرس کی تشخیصی شرح 3.9 ہوگئی ہے تاہم کراچی میں تشخیصی شرح 8.08 اور حیدرآباد 4.3 فیصد ہے اور کیسزمیں کمی آرہی ہے۔ وزیراعلیٰ سندھ نے کہا کہ یہ کمی تب تک ہوتی رہے گی جب تک عوام ایس او پیز پر عمل کرتے رہیں گے۔

سندھ کی ہفتہ وار رپورٹ کے مطابق کراچی شرقی میں 14 فیصد، جنوبی میں 10 فیصد کیسز آئے ہیں۔کراچی وسطی میں 9 فیصد، غربی 8 فیصد، ملیر 7 فیصد ، کورنگی 7 فیصد اور سکھرمیں 7 فیصد کیسز ہیں۔ سندھ میں جون میں 263 کرونا مریض انتقال کرگئے ہیں۔

واضح رہے کہ 3 روز قبل محکمہ تعلیم سندھ کی اسٹیئرنگ کمیٹی کے اجلاس میں فیصلہ کیا گیا ہے کہ اس سال 9 ویں اور فرسٹ ائیر کے امتحانات جولائی اور اگست میں منعقد کئے جائیں گے جبکہ اس سال پریکٹیکل امتحانات بھی لئے جائیں گے۔

پانچ روز قبل وزیرتعلیم سندھ سعید غنی نے چھٹی سے آٹھویں جماعت کی کلاسز 50 فیصد حاضری کے ساتھ  منگل 15 جون سے شروع کرنے کا اعلان کیا تھا۔ تمام کلاسز میں حاضری کا تناسب 50 فیصد ہوگا اور اسکولز کے تمام عملے کی ویکسینیشن ہونا لازمی ہوگا۔

وزیراعلیٰ سندھ سید مراد علی شاہ نے محکمہ صحت کو اگلے 3 مہینوں میں 18 ملین لوگوں کو ویکسین لگانے کا ہدف دے دیا ہے۔



Source link

Leave a Reply

Your email address will not be published. Required fields are marked *

سونے کی قیمت میں معمولی کمی

پاکستان میں سونے کی قیمت میں اضافہ

میں غیر مناسب لباس اور قابل اعتراض سین عکسبند نہ کروانے سے متعلق اصول بنائے ہیں پاکستانی اداکارہ نمرہ خان کے بیان پر پاکستانیوں کی داد 

میں غیر مناسب لباس اور قابل اعتراض سین عکسبند نہ کروانے سے متعلق اصول بنائے ہیں پاکستانی اداکارہ نمرہ خان کے بیان پر پاکستانیوں کی داد