in

ملائیشیا نےضبط کردہ طیارہ بالآخرپاکستان کو واپس کردیا

ملائیشیا نےضبط کردہ طیارہ بالآخرپاکستان کو واپس کردیا

ملائیشیا میں ضبط کیا گیا پی آئی اےکا طیارہ قومی ائيرلائن کےحوالے کردیا گیا۔ فريقين کی باہمی رضا مندی سے ملائیشين عدالت سے کيس بھی خارج ہوگيا۔

قومی ائيرلائن اورلیزنگ کمپنی کے ساتھ معاملات طے پانے کے بعد ضبط شدہ بوئنگ 777 طيارہ پاکستان کے حوالے کرديا گيا ہے۔

ترجمان پی آئی اے کے مطابق طیارے کی واپسی آئندہ 2 روز میں متوقع ہے۔پی آئی اےکےطیارے کو مسافر پرواز کےطورپر آپریٹ کرکے واپس لایا جائے گا۔

واضح رہے کہ 2 ہفتے پہلے لیز کی رقم کے تنازعے پر لیزنگ کمپنی نے کوالالمپور کے ایئر پورٹ پر پی آئی اے کے طیارے کو ضبط کرلیا تھا۔

پندرہ جنوری 2021 کو ترجمان پی آئی اے نے بتایا تھا کہ ملائيشيا ایئرپورٹ حکام نے مقامی عدالت کے حکم پر پاکستانی طيارے کو روکا تھا۔ پی آئی اے کے طیارے میں 167 مسافر سوار تھے۔ ترجمان کا کہنا تھا کہ ليز کے معاملے پر ايک پارٹی نے پی آئی اے کيخلاف ملائيشيا ميں کيس دائر کيا ہوا ہے۔

ترجمان پی آئی اے نے مزید بتایا کہ دوسرے ملک ميں يہی مقدمہ زير سماعت ہے، 14 ملين ڈالرز ليز کی رقم ادا نہ کرنے پر نجی کمپنی اور پی آئی اے ميں تنازع چل رہا ہے۔



Source link

Leave a Reply

Your email address will not be published. Required fields are marked *

لاوارث بچوں سے بھیک منگوانے والے مافیا کےخلاف کریک ڈاؤن کا حکم

لاوارث بچوں سے بھیک منگوانے والے مافیا کےخلاف کریک ڈاؤن کا حکم

انٹر بینک اور اوپن مارکیٹ میں ڈالر سستا ہو گیا 

انٹر بینک اور اوپن مارکیٹ میں ڈالر سستا ہو گیا