in

اپوزیشن اوراسپیکر اسمبلی کے بیچ معاملات طے ہوگئے، اعظم نذیر

اپوزیشن اوراسپیکر اسمبلی کے بیچ معاملات طے ہوگئے، اعظم نذیر

رہنما مسلم لیگ ن اعظم نذیر تارڑ کا کہنا ہے کہ آج قومی اسمبلی اجلاس سے قبل اسپیکر قومی اسمبلی اسد قیصر اور تمام اپوزیشن رہنماؤں کے درمیان مثبت رابطے ہوئے ہیں جس کے بعد معاملہ اسپیکر کے خلاف تحریک عدم اعتماد لائے جانے کا امکان نہیں۔

سماء کے پروگرام 7 سے 8 میں گفتگو کرتے ہوئے اعظم تارڑ کا کہنا تھا کہ گزشتہ 3 دن سے جو قومی اسمبلی میں ہوا اس کی تاریخ میں مثال نہیں ملتی۔

اعظم تارڑ کا کہنا تھا کہ دنیا بھر میں اپوزیشن اراکین اسمبلی اجلاسوں میں احتجاج کرتی ہے مگر یہ ایک انوکھا واقعہ تھا جب حکومتی اراکین نے اپوزیشن پر یلغار کی۔

انہوں نے کہا کہ آج اسپیکر اسد قیصر کی شہباز شریف سمیت تمام اپوزیشن رہنماؤں سے بات ہوئی ہے جس سے مثبت اشارے ملے ہیں اور حکومت نے بھی یہ عندیہ دیا ہے کہ جو ہوا وہ غلط تھا۔

اعظم تارڑ کا کہنا تھا کہ آج کی پیش رفت کے بعد اسمبلی کارروائی بھی ٹھیک طرح سے چلنی دی گئی اور جو طوفان آیا تھا اس میں ٹہراؤ آیا ہے جس سے اب معاملہ عدم اعتماد تک نہیں جائے گا۔

رہنما ن لیگ کا کہنا تھا کہ اگر وزیراعظم سنجیدہ ہوتے تو معاملات یہاں تک نہ پہنچتے تاہم ان کا کہنا تھا کہ حکومتی بینچز کو غلطی کا احساس ضرور ہوا ہے۔

اعظم تارڑ کا کہنا تھا کہ سارے معاملے میں حکومت کوفائدہ نہیں ہوا بلکہ حکومت کو حزیمت کا سامنا کرنا پڑا۔

انہوں نے کہا کہ آج یہ بھی طے ہوا ہے کہ بلاول بھٹو بھی کل خطاب کریں گے اور اس میں بھی شور شرابہ نہیں کیا جائےگا۔

شیخ روحیل اصغر کے بیان پر تبصرہ کرتے ہوئے اعظم تارڑ کا کہنا تھا کہ یہ ان کی ذاتی سوچ ہوسکتی ہے مگر گالیاں ایوان کا کلچر نہیں ہوسکتا۔



Source link

Leave a Reply

Your email address will not be published. Required fields are marked *

اسلام آبادیونائیٹڈ کامیاب، پشاورزلمی 248رنز کے ہدف میں ناکام

اسلام آبادیونائیٹڈ کامیاب، پشاورزلمی 248رنز کے ہدف میں ناکام

کراچی:سپرہائی وے پرقائم مویشی منڈی میں جانوروں کی آمد جاری

کراچی:سپرہائی وے پرقائم مویشی منڈی میں جانوروں کی آمد جاری