in

خیبرپختونخوا حکومت پی ایس ایل کی میزبانی کیلئے کوشاں

خیبرپختونخوا حکومت پی ایس ایل کی میزبانی کیلئے کوشاں

معان خصوصی کامران بنگش کا کہنا ہے کہ ارباب نیاز کرکٹ اسٹیڈیم کا 65 فیصد تعمیراتی کام مکمل ہو چکا ہے اور بھرپور کوشش ہے کہ اگلا پی ایس ایل پشاور میں ہو۔
معاون خصوصی اطلاعات کامران بنگش نے ارباب نیاز کرکٹ اسٹیڈیم پشاور کے تعمیراتی کام کا جائزہ لینے کے بعد میڈیا سے گفتگو کرتے ہوئے کہا کہ اسٹیڈیم کی از سر نو تعمیر اہل پشاور کے لیے خوش کن ہے۔
انہوں نے کہا کہ صوبائی حکومت نے پشاور میں عالمی معیار کے 2 کرکٹ اسٹیڈیمز کی تعمیر کا تہیہ کیا ہوا ہے اور ارباب نیاز کرکٹ اسٹیڈیم میں تعمیراتی کام اطمینان بخش ہیں۔
اس سے پہلے ڈی جی کھیل اسفندیار خٹک نے کامران بنگش کو اسٹیڈیم میں جاری تعمیراتی کاموں کے حوالے سے بریفنگ دی جس پر انہوں نے اطمینان کا اظہار کیا۔
کامران بنگش کا کہنا تھا کہ ارباب نیاز کرکٹ اسٹیڈیم کی تعمیر سے پشاور کرکٹ کی دوبارہ میزبانی کر سکے گا۔
کامران بنگش کا کہنا تھا کہ حیات آباد اسپورٹس کمپلیکس پر بھی تیزی سے کام جاری ہے جس میں خواتین کھلاڑیوں کے لیے خصوصی انکلیو تیار کیا جائے گا۔
انہوں نے کہا کہ ارباب نیاز کرکٹ اسٹیڈیم میں 28 ہزار تماشائیوں کے بیٹھنے کی گنجائش ہو گی جبکہ عالمی معیار کی پچز، پویلین اور کھلاڑیوں کے لیے جدید سہولیات سے آراستہ ہاسٹل ہو گا۔



Source link

Leave a Reply

Your email address will not be published. Required fields are marked *

 وفاقی حکومت کی سپیشل ٹیکنالوجی زونز کو چھوٹ دینے کی تجویز 

 وفاقی حکومت کی سپیشل ٹیکنالوجی زونز کو چھوٹ دینے کی تجویز 

ڈیفنس،کلفٹن اس سال بارشوں میں نہیں ڈوبیں گے،سی بی سی

ڈیفنس،کلفٹن اس سال بارشوں میں نہیں ڈوبیں گے،سی بی سی