in

سعدرفیق کیخلاف بطورسابق وزیرِریلوےنئی انکوائری کی منظوری،نیب

سعدرفیق کیخلاف بطورسابق وزیرِریلوےنئی انکوائری کی منظوری،نیب

چئیرمین نیب نے کہا ہے کہ بڑی مچھلیوں کے خلاف وائٹ کالر مقدمات کو منطقی انجام تک پہنچانا اولین ترجیح ہے اور اس سلسلے میں نیب احتساب سب کے لئے کی پالیسی پر قانون کے مطابق عمل پیرا ہے۔

نیب ایگزیکٹو بورڈ کے اجلاس میں پاکستان مسلم لیگ نون کے رہنما خواجہ سعد رفیق ایک اور کیس میں نیب کے ریڈار پر آگئے ہیں۔ سعد رفیق کیخلاف بطور سابق وزیر ریلوے نئی انکوائری کی منظوری دے دی گئی ہے۔نیب اعلامیہ کےمطابق سعد رفیق اور ریلوے افسران کیخلاف بے ضابطگیوں کی انکوائری ہوگی۔

چئیرمین نیب نے مجموعی طور پر کرپشن کیخلاف 10نئی انکوائریوں کی منظوری دے دی ہے۔ سابق ڈی جی اینٹی کرپشن پنجاب مظفرعلی رانجھا کیخلاف بھی انکوائری منظور کی گئی ہے۔ سابق ڈی سی او فیصل آباد نورالامین مینگل ، سابق رکن اسمبلی چوہدری شیر علی کیخلاف بھی انکوائری منظور کی گئی ہے۔ہائی ویز ڈیپارٹمنٹ فیصل آباد کے افسران، سابق ڈپٹی کمشنر فیصل آباد محمد امین چوہدری کیخلاف بھی انکوائری ہوگی۔

اس کےعلاوہ احتساب بیورو کے ایگزیکٹو بورڈ کے اجلاس میں منشاء گروپ کے خلاف انوسٹی گیشن کی منظوری دی گئی ہے۔

اعلامیہ میں بتایا گیا ہے کہ رکن صوبائی اسمبلی پنجاب سہیل ظفر ، سابق ٹاؤن ناظم گوجرانوالہ رضوان ظفر کیخلاف انکوائری عدم شواہد پر بند کردی گئی ہے۔

چئیرمین نیب نے واضح کیا کہ  نیب اور کرپشن ساتھ ساتھ نہیں چل سکتے۔ نیب شوگر، آٹا، منی لانڈرنگ، جعلی اکاؤنٹس کیسز کو منطقی انجام تک پہنچائے گا اورعوام کی لوٹی گئی رقوم کی واپسی کیلئے سنجیدہ کاوشیں کررہے ہیں۔



Source link

Leave a Reply

Your email address will not be published. Required fields are marked *

نائیجیریا نےٹوئٹر پر غیرمعینہ مدت تک پابندی لگادی

نائیجیریا نےٹوئٹر پر غیرمعینہ مدت تک پابندی لگادی

ڈرامےکاکردارضمیراخترنقوی سے متاثر ہوکراداکیا،احسن خان

ڈرامےکاکردارضمیراخترنقوی سے متاثر ہوکراداکیا،احسن خان