in

اسد طورکیس،ایف آئی اےلوگوں کوہراساں نہیں کرسکتا،اسلام آبادہائیکورٹ

اسد طورکیس،ایف آئی اےلوگوں کوہراساں نہیں کرسکتا،اسلام آبادہائیکورٹ

اسلام آباد ہائیکورٹ نے صحافی اسد طور کی ایف آئی اے طلبی کے خلاف درخواست پر جواب طلب کرتےہوئے واضح کیا ہے کہ ایف آئی اے لوگوں کو ہراساں نہیں کرسکتا اور اس کیس کو ٹیسٹ کیس بنا کر دیکھا جائے گا کہ ایف آئی اے کیسے کام کرتا ہے۔

بدھ کواسلام آباد ہائی کورٹ میں اسد طور کی ایف آئی اے طلبی کیخلاف درخواست پر سماعت ہوئی۔درخواست پر سماعت کے دوران چیف جسٹس اطہر من اللہ  نے ایف آئی اے پر برہمی کا اظہار کرتے ہوئے کہا کہ کیا ایف آئی اے نے اسد طور سے متعلق کوئی تفتیش کی؟۔ ایف آئی اے کے پاس بس شکایت آئے اور یہ نوٹس کردیتے ہیں۔ عدالت نے استفسار کیا کہ شکایت درج کرنے والے کو بلائے بغیر مخالف فریق کو کیسے نوٹس ہوسکتا ہے؟

ایف آئی اے کے وکیل نے بتایا کہ یہ راولپنڈی کا کیس ہے اور ہم نے سائبرکرائم اور ضابطہ فوجداری کے تحت نوٹس کیا۔عدالت میں اسد طور کے خلاف شکایت کنندہ شفا یوسف زئی بھی پیش ہوئیں اور موقف دیا کہ ہماری شکایت پرایف آئی اے نے کارروائی ہی روک رکھی ہے۔ چیف جسٹس نے قرار دیا کہ شفا یوسف زئی کی شکایت کا ایف آئی اے پہلے مکمل جائزہ لے اور اگر مطمئن ہو کہ کارروائی بنتی ہے تو آئندہ سماعت پر آگاہ کرے۔اس کیس کو ٹیسٹ کیس بنا کر دیکھتے ہیں کہ ایف آئی اے کیسے کام کرتا ہے۔

عدالت نے ایف آئی اے کے سامنے سوالات رکھ کر  20 جون کو جواب جمع کرانے کا حکم دیتے ہوئے ایڈیشنل اٹارنی جنرل، پاکستان بار کونسل سے بھی معاونت طلب کرلی ہے۔

منگل کو قومی اسمبلی کی انسانی حقوق کمیٹی کے چیئرمین بلاول بھٹو زرداری نے صحافی اسد طور پر حملے اور تشدد کا نوٹس لیتے ہوئے اس واقعے کو آزادیٔ صحافت پر حملہ قرار دیا۔



Source link

Leave a Reply

Your email address will not be published. Required fields are marked *

معروف بھارتی اداکار کو بیوی پر تشدد کرنے کے الزام میں گرفتار کر لیا گیا

معروف بھارتی اداکار کو بیوی پر تشدد کرنے کے الزام میں گرفتار کر لیا گیا

صارفین کی علیزے شاہ کے مغربی طرز کے لباس زیب تن کرنے پر تنقید گلوکارہ مومنہ مستحسن بھی میدان میں آ گئیں

صارفین کی علیزے شاہ کے مغربی طرز کے لباس زیب تن کرنے پر تنقید گلوکارہ مومنہ مستحسن بھی میدان میں آ گئیں