in

پاکستان  میں بننے والی کرونا ویکسین اگلے ہفتے لانچ ہوجائیگی،نوشین حامد

پاکستان  میں بننے والی کرونا ویکسین اگلے ہفتے لانچ ہوجائیگی،نوشین حامد

پارلیمانی سیکرٹری صحت ڈاکٹر نوشین حامد کا کہنا ہے کہ پاکستان میں چین کے اشتراک سے بننے والی کرونا ویسکین کی ایک دو روز میں ڈریپ سے منظوری لے کر اگلے ہفتے لانچ کردی جائے گی۔

سماء کے پروگرام سات سے آٹھ میں گفتگو کرتے ہوئے ڈاکٹر نوشین حامد کا کہنا تھا کہ مذکورہ ویکسین کی کوالٹی ٹیسٹنگ کا عمل مکمل ہوچکا ہے اور اسے تمام مروجہ طریقہ کار سے گزارا جاچکا ہے۔

انہوں نے کہا کہ اب پاکستان میں بھی کرونا ویکسین بنائی جائے گی اور ڈریپ کی منظوری کے بعد ایک بڑے ایونٹ کے دوران اس کی لانچنگ ہوگی۔

ڈاکٹر نوشین حامد کا کہنا تھا کہ لانچنگ کے موقع پر ہی کچھ لوگوں کو وہ ویکسین لگائی جائے گی ان کا مزید کہنا تھا کہ یہ ویکسین بہت فائدہ مند ہے اور کرونا ہونے کی صورت میں بھی مریض کو زیادہ نقصان نہیں ہوگا۔

انہوں نے کہا کہ چین کے ماہرین ہمارے ساتھ موجود ہیں اور ویکسین کی تیاری کا سارا کام ان کی نگرانی میں جاری ہے۔

ڈاکٹر نوشین حامد کا کہنا تھا کہ یہ ویکسین ٹرانسپورٹ کرنے میں بھی آسان ہے اور باقی ویکسین کی طرح یہ بھی فائدہ مند ہے تاہم ہر ویکسین کا طریقہ کار مختلف ہوتا ہے۔

انہوں نے کہا کہ یہ ویکسین اس طریقے سے تیار ہوئی ہے کہ اس میں اینٹی باڈیز پہلی ڈوز کے بعد تیار ہونا شروع ہوجاتی ہیں۔

ڈاکٹر نوشین حامد کا کہنا تھا کہ اس ویکسین کی پہلی کھیپ میں ایک لاکھ 24 ہزار خوراکیں تیار ہوچکی ہیں اور اگلے مہینے تک مزید 9 لاکھ ڈوزز آ جائیں گی جبکہ معاہدہ کل 30 لاکھ ڈوزز کا طے پایا ہے۔



Source link

Leave a Reply

Your email address will not be published. Required fields are marked *

ریکوڈک کیس: برطانوی عدالت نےپاکستان کےحق میں فیصلہ سنادیا

ریکوڈک کیس: برطانوی عدالت نےپاکستان کےحق میں فیصلہ سنادیا

ویڈیو: سلمان خان کی فلم’رادھے‘ کے وہ سین جو چرائےگئے

ویڈیو: سلمان خان کی فلم’رادھے‘ کے وہ سین جو چرائےگئے