in

وزیراعظم نےشیخ رشید کو سندھ کیلئےخصوصی ٹاسک سونپ دیا

وزیراعظم نےشیخ رشید کو سندھ کیلئےخصوصی ٹاسک سونپ دیا

وزیراعظم عمران خان نے سندھ میں امن و امان اور بڑھتے ہوئے جرائم پر نوٹس لیتے ہوئے وفاقی وزیر داخلہ شیخ رشید احمد کو سندھ دورے کی ہدایت کردی۔

وفاقی وزیر اطلاعات فواد چوہدری نے اپنے ٹوئٹر اکاؤنٹ پر بتایا ہے وزیراعظم عمران خان نے گورنر سندھ عمران اسماعیل اور وزیر پلاننگ اسد عمر سے سندھ کی صورت حال پر تفصیلی گفتگو کی۔ جس پر گورنر سندھ اور وفاقی وزیر منصوبہ بندی نے وزیراعظم کو سندھ میں انتظامی طور پر ابتری، بالخصوص امن و امان اور بڑھتے ہوئے جرائم پر اپنی شدید تشویش سے آگاہ کیا۔

وزیر اعظم نے فوری نوٹس لیتے ہوئے وزیر داخلہ شیخ رشید کو ہدایت کی کہ وہ سندھ کا دورہ کریں اور قانون نافذ کرنے والے اداروں کے ساتھ مل کر اس صورت حال پر حکمت عملی طے کریں۔

پانی کی موجودہ تقسیم ‘سندھ دشمن‘ اقدام قرار

فواد چوہدری کے مطابق وزیر داخلہ شیخ رشید اس دورے کے بعد اپنی رپورٹ وزیراعظم کو پیش کریں گے۔

وزیراعظم نےسندھ میں رینجرز کو متحرک کرنے کی بھی ہدایت کردی ہے۔ وزیر داخلہ کراچی میں رینجرز کو متحرک ہونے کا حکم دیں گے۔

دوسری جانب وفاقی وزير داخلہ کی سندھ آمد پر پيپلزپارٹی کی رہنماء شہلا رضا نے تحفظات کا اظہار کرتے ہوئے کہا کہ سندھ کے حالات پنجاب اور خيبرپختونخوا سے بہتر ہيں۔ اللہ رحم کرے کہ وزيراعظم نے آٹے، چينی کے بعد سندھ کا نوٹس ليا ہے۔

شیخ رشید کو سندھ میں بڑھتے جرائم کا جائزہ لینےکی ہدایت

واضح رہے کہ گورنر سندھ اور سربراہ این سی او سی اسد عمر نے کراچی کے خراب حالات پر وزیراعظم کو شکایت کی تھی۔



Source link

Leave a Reply

Your email address will not be published. Required fields are marked *

کرسچین بیٹزمین کی زویا ناصر کےہمراہ پہلی اور آخری پوسٹ

کرسچین بیٹزمین کی زویا ناصر کےہمراہ پہلی اور آخری پوسٹ

SHAH MEHMOOD

چین نے مسئلہ فلسطین کو بہت اہمیت دی ہے،وزیرخارجہ