in

نادرا کسی کوبھی شہریت سےمحروم کرنے کا اختیار نہیں رکھتا،اسلام آبادہائیکورٹ

نادرا کسی کوبھی شہریت سےمحروم کرنے کا اختیار نہیں رکھتا،اسلام آبادہائیکورٹ

اسلام آباد ہائی کورٹ نے حافظ حمد اللہ کے شناختی کارڈ کو بلاک اورشہریت منسوخ کیے جانے کے خلاف دائر کیس کا تفصیلی فیصلہ جاری کردیا ہے۔

چیف جسٹس اطہرمن اللہ نے 29 صفحات پر مشتمل تفصیلی فیصلہ جاری کیا۔ ہائی کورٹ کے تفصیلی فیصلے میں کہا گیا ہے کہ نادرا کسی کو بھی شہریت سے محروم کرنے کا اختیار نہیں رکھتا اور نادرا کے اِن اقدامات کو کالعدم قرار دیا گیا ہے۔

 تفصیلی فیصلے میں اسلام آباد ہائیکورٹ نے حافظ حمد اللہ کے ساتھ 10مزید شہریوں کے شناختی کارڈ بھی بحال کردئیے ہیں جن میں عبدالرحیم، نائیک محمد، محمد حنیف اور دیگر شامل ہیں۔

نادرا سے متعلق فیصلے میں کہا گیا ہے کہ نادرا کا کام صرف رجسٹریشن کرنا اور ڈیٹا بیس برقرار رکھنا ہے۔ نادرا خود سے نہ شناختی کارڈ بلاک کرسکتا ہے، نہ معطل ، نہ منسوخ کرسکتا ہے۔

شہریت کا معاملہ سیٹیزن شپ ایکٹ کے تحت متعلقہ اتھارٹی ہی دیکھ سکتی ہے اور شناختی کارڈ معطل یا بلاک کرنے کے لئے جوڈیشل آرڈر ضروری ہے۔

فیصلے میں کہا گیا ہے کہ حافظ حمد اللہ پاکستان میں پیدا ہوئے، ان کا بیٹا پاک فوج میں خدمات انجام دے رہا ہے۔ اگر کچھ ریکارڈ پر موجود نہیں ہے تو آخر یہ نتیجہ کیسے نکالا گیا کہ حمد اللہ اور دیگر پاکستانی شہری نہیں ہیں۔ محض کسی انٹیلجنس ایجنسی کی رپورٹ پر نادرا کسی کی شہریت ختم نہیں کرسکتا اورشہریت بنیادی حق ہے جس کے بغیر کوئی سیاسی اور معاشرتی حقوق نہیں مل سکتے۔

تفصیلی فیصلے میں کہا گیا ہے کہ پیدائشی پاکستانی قانونی طور پرخود بخود پاکستانی شہری بن جاتا ہے۔ پاکستان سمیت دنیا میں 35 ممالک ہیں جہاں پیدائش پر ہی شہریت ملنا شہری کا حق ہے۔

پیمرا سے متعلق تفصیلی فیصلے میں درج ہے کہ حافظ حمد اللہ کے ٹی وی پر آنے کی پیمرا پابندی اختیارات کا غلط استعمال تھا۔ پیمرا نے آئین کے آرٹیکل 19میں دیئےگئے حقوق کی خلاف ورزی میں نوٹیفکیشن جاری کیا۔



Source link

Leave a Reply

Your email address will not be published. Required fields are marked *

ارمینارانا اورشوہرکیلئےبرطانوی میئرکی جانب سے اعزازی سرٹیفیکٹس

ارمینارانا اورشوہرکیلئےبرطانوی میئرکی جانب سے اعزازی سرٹیفیکٹس

ملتان:کروناکیسزمیں اضافہ،6علاقوں میں اسمارٹ لاک ڈاؤن نافذ

ملتان:کروناکیسزمیں اضافہ،6علاقوں میں اسمارٹ لاک ڈاؤن نافذ