in

رنگ روڈ اسکینڈل: جرم ہونے سے پہلےپکڑلیا،علی زیدی

رنگ روڈ اسکینڈل: جرم ہونے سے پہلےپکڑلیا،علی زیدی

وفاقی وزیر بحری امور علی زیدی کا کہنا ہے کہ رنگ روڈ اسکینڈل وہ جرم تھا جو ہم نے ہونے سے پہلے پکڑ لیا جس کی وزیراعظم خود تحقیقات کر رہے ہیں اور ملوث افراد کو پوری سزا ملی گی۔

سماء کے پروگرام ندیم ملک لائیو میں گفتگو کرتے ہوئے علی زیدی کا کہنا تھا کہ زلفی بخاری کا صرف نام آیا ہے لیکن انہوں نے انکوائری سے پہلے استعفیٰ دے دیا اور ساتھ میں یہ پیشکش بھی کی ہے کہ ان کا نام ای سی ایل میں بھی ڈالا جائے۔

علی زیدی نے کہا کہ جب رنگ روڈ اسکینڈل کی رپورٹ آئے گی تو اسے پبلک کیا جائے گا۔ انہوں نے مزید کہا کہ ہماری حکومت اپنے لوگوں کو نہیں بچا رہی اور ایسے افراد کو چاہیے کہ وہ عدالتوں میں جا کر خود کو کلیئر کرائیں۔

جہانگیرترین سے متعلق ان کا کہنا تھا کہ وہ سن 2011 میں تحریک انصاف میں آئے ہیں جبکہ ہم سن 1999 سے اس پارٹی میں ہیں ان کا مزید کہنا تھا کہ ان کی پارٹی کے لیے خدمات ہیں لیکن انہیں عدالتوں میں اپنا دفاع کرنا پڑے گا کیوں کہ عمران خان کسی سیاسی دباؤ میں نہیں آئیں گے۔

انہوں نے کہا کہ ماضی میں احتساب کے نام پر صرف سیاست ہوتی تھی ہم نے کسی ادارے کو کنٹرول نہیں کیا بلکہ ہر ادارے کو اپنا کام آزادانہ طور پر انجام دینے کا بھرپور موقع دیا ہے۔

علی زیدی کا کہنا تھا کہ چینی اسکینڈل تو ن لیگ، پی پی اور مشرف دور میں بھی سامنے آئے تھے مگر کسی نے تحقیات نہیں کیں۔

انہوں نے کہا کہ ہم ججوں کو کنٹرول نہیں کررہے جیسے ماضی میں ن لیگ والے کیا کرتے بلکہ اب تو حال یہ ہے کہ چھٹی والے دن ان کے لیے عدالتیں کھول دی جاتی ہیں اور ضمانت بھی مل جاتی ہے۔

پروگرام میں گفتگو کرتے ہوئے رہنما ن لیگ عطا تارڑ کا کہنا تھا کہ عثمان بزدار شریف آدمی ہوں گے لیکن وہ تحصیل لیول کے آدمی ہیں جنہیں پنجاب جیسے بڑے صوبے کا وزیراعلیٰ بنا کر صوبے کا بیڑہ غرق کیا گیا ہے۔

انہوں نے کہا کہ پنجاب کے اسپتالوں ،اسکولوں اور سڑکوں پر پڑے کچرے کو دیکھ کر لگتا ہے کہ عثمان بزدار ایک نالائق آدمی ہے۔



Source link

Leave a Reply

Your email address will not be published. Required fields are marked *

فراڈکیس: بی 4 یو کے مالک کی ضمانت میں توسیع

فراڈکیس: بی 4 یو کے مالک کی ضمانت میں توسیع

انٹارکٹیکا: دنیا کاسب سے بڑابرفانی تودہ آئس شیلف سے الگ

انٹارکٹیکا: دنیا کاسب سے بڑابرفانی تودہ آئس شیلف سے الگ