in

حافظ حمداللہ کی شہریت منسوخی اور شناختی کارڈبلاک کرنے پرہائیکورٹ برہم

حافظ حمداللہ کی شہریت منسوخی اور شناختی کارڈبلاک کرنے پرہائیکورٹ برہم

اسلام آباد ہائی کورٹ نے حافظ حمد اللہ کی شہریت منسوخ کرنے اور شناختی کارڈ بلاک کرنے پرنادرا پر برہمی کا اظہار کرتے ہوئے پیمرا کی جانب سے سابق سینیٹر کو ٹی وی پر دکھائے جانے سے متعلق پابندی بھی ختم کرنے کا حکم جاری کر دیا۔

عدالت نے حافظ حمد اللہ کے شناختی کارڈ کو بلاک اورشہریت منسوخ کیے جانے کے خلاف دائر کیس میں اپنا محفوظ فیصلہ سناتے ہوئے  نادرا کے ان اقدامات کو کالعدم قرار دیا۔

عدالت نے ریمارکس دیے کہ شہریت سب سے بڑا بنیادی حق ہے اور نادرا کے پاس اس حق کو تلف کرنے کا کوئی اختیار نہیں ہے۔ عدالت نے ایسے اقدام کو بنیادی حقوق کی خلاف ورزی کی ایک بدترین قسم بھی قرار دیا۔

چیف جسٹس نے استفسار کیا کہ انٹیلی جنس ایجنسیز کی کسی رپورٹ کو نادرا براہ راست کیسے دیکھ سکتا ہے۔ انہوں نے یہ بھی ریمارکس دیے کہ اینٹلی جنس ایجنسیز تو کسی وزارت یا ڈویژن کے ماتحت ہوتی ہیں اور ان کی رپورٹ تومتعلقہ وزارت سے ہی آسکتی ہے۔ چیف جسٹس نے استفسار کیا کہ آپ کو پتہ ہے کہ ایک دن کے لیے بھی شناختی کارڈ بلاک کریں تو اس کے اثرات کیا ہو سکتے ہیں۔

عدالت نے پیمرا کی جانب سے سابق سینیٹر کو ٹی وی پر دکھانے کی پابندی کا حکم بھی کالعدم قرار دے دیا۔

نادرا نے اکتوبر 2019 میں حافظ حمد اللہ کا شناختی کارڈ بلاک  کرکے ان کی شہریت منسوخ کردی تھی جس کے بعد پیمرا نے بھی انہیں ٹی وی پر دکھائے جانے سے روک دیا تھا۔



Source link

Leave a Reply

Your email address will not be published. Required fields are marked *

Palestine killing

اسرائیلی فضائی حملوں میں صحافی سمیت مزید 4فلسطینی شہید

میاخلیفہ نے گال گوڈٹ کو”نسل کش باربی” قراردے دیا

میاخلیفہ نے گال گوڈٹ کو”نسل کش باربی” قراردے دیا