in

عید پر لوگ وطن آتے ہیں ن لیگی باہرجارہے ہیں،شہریار

عید پر لوگ وطن آتے ہیں ن لیگی باہرجارہے ہیں،شہریار

چیئرمین کشمیر کمیٹی شہریار آفریدی کا کہنا ہے کہ قانونی تقاضے پورے کئے بغیر شہبازشریف کو بیرون ملک نہیں جانے دیں گے، عید پر لوگ بیرون ممالک سے اپنے وطن آتے ہیں اور شریف فیملی کے تمام افراد باہر بیٹھے ہیں۔

سماء کے پروگرام ندیم ملک لائیو میں گفتگو کرتے ہوئے رہنماء تحریک انصاف کا کہنا تھا کہ ڈاکٹر یاسمین راشد کینسر کا مقابلہ کررہی ہیں وہ تو باہر نہیں گئیں مگر شہباز شریف بھاگے بھاگے انگلستان جارہے ہیں۔

انہوں نے کہا مسلم لیگ ن ججوں کو خریدنے کیلئے رابطے کرتے تھے جبکہ سپریم کورٹ پر حملہ کرنے والے بھی یہی ہیں۔

 شہریارآفریدی کا کہنا تھا کہ نواز شریف بھارت جاکر حریت رہنماؤں سے نہیں ملے تھے، انہوں نے کہا کہ جب بھارت جاکر حریت رہنماؤں سے نہیں ملیں گے تو سوال اٹھیں گے۔

انہوں نے کہا کہ ن لیگی حکومت نے ریاستی اداروں کو کشمیر پر بائی پاس کیا تھا شہریار آفریدی نے سوال اٹھایا کہ اگر ن لیگ کے قیادت کرپٹ نہیں ہے تو ملک سے کیوں فرار ہیں۔

رہنماء تحریک انصاف کا کہنا تھا کہ بیک ڈور ڈپلومیسی ضرور ہونی چاہیے مگر ہمیں اقوام متحدہ کے قراردادوں سے ایک انچ پیچھے نہیں ہٹنا چاہیے قوم نے فیصلہ کرنا ہے کہ ہم نے اجتماعی مفادات پر ایک ہونا ہے۔

شہریار آفریدی کا کہنا تھا کہ ہم پر اسرائیل کو تسلیم کرنے کے حوالے سے دباؤ تھا مگر ہم کسی کے دباؤ میں نہیں آئے، انہوں نے کہا کہ کشمیر کے حوالے سے جو بھی فیصلہ ہوا اس میں کشمیری شریک ہوں گے۔

امریکا کو فوجی اڈے دینے کے خبروں کے حوالے سے شہریار آفریدی کا کہنا تھا کہ ہمارا مؤقف اس حوالے سے واضح ہے، وزیراعظم پہلے دن سے اس کیخلاف ہے۔



Source link

Leave a Reply

Your email address will not be published. Required fields are marked *

عمران یعقوب منہاس کراچی پولیس چیف مقرر

عمران یعقوب منہاس کراچی پولیس چیف مقرر

پارری گرل دنا نیر کی خوبصورت آواز میں سلامِ عاجزانہ پڑھنے کی ویڈیو وائرل

پارری گرل دنا نیر کی خوبصورت آواز میں سلامِ عاجزانہ پڑھنے کی ویڈیو وائرل