in

ملک میں ڈیم خالی، پانی کے شدید بحران کاخدشہ

ملک میں ڈیم خالی، پانی کے شدید بحران کاخدشہ

ملک میں آبی ذخائر میں تشویشناک حد تک کمی ہوجانے کے باعث پانی کے سنگین بحران کا خدشہ پیدا ہوگیا۔

ارسا حکام کے مطابق تربیلا ڈیم اور تربیلا بیراج خالی ہوچکے ہیں اور منگلا ڈیم میں صرف 4 دن کا ذخیرہ باقی رہ گیا ہے جبکہ ڈیموں اور بیراجز میں پانی کا کل ذخیرہ صرف 5 لاکھ  30 ہزار ایکڑ فٹ رہ گیا ہے، جس سے ملک میں پانی کے بحران کے سر اٹھانے کا خدشہ ہے۔

اس آبی قلت کے باعث چاول، گنے اور کپاس سمیت خریف کی مختلف فصلوں اور سبزیوں کو شدید نقصان پہنچنے کا بھی اندیشہ ہے اور اس سے ان فصلوں کی فی ایکڑ پیداوار میں بھی کمی کا امکان ہے۔

دوسری جانب ارسا اور واپڈا کے درمیان دریائے سندھ کے پانی پر تنازع بھی کھڑا ہوگیا ہے۔ تین روز قبل ارسا نے واپڈا حکام سے پوچھا کہ دریائے سندھ کا پانی کہاں غائب ہورہا ہے تاہم واپڈا نے تاحال اتھارٹی کو کوئی جواب نہیں دیا ہے۔

ارسا حکام کے مطابق منگل کو بھی دریائے سندھ میں بشام اور تربیلا کے درمیان 12 ہزار 600 کیوسک پانی غائب ہے۔ دریائے سندھ میں بشام کے مقام پر پانی کا بہاؤ ساڑھے 56 ہزار کیوسک جبکہ تربیلا ڈیم تک پہنچتے پہنچتے پانی کی آمد 43 ہزار 900 کیوسک رہ گئی۔ ارسا نے تمام تر صورتحال سے وفاقی حکومت کو آگاہ کردیا ہے۔



Source link

Leave a Reply

Your email address will not be published. Required fields are marked *

PSL PZ

پی ایس ایل میچز متحدہ عرب امارات منتقل کرنے کامطالبہ

دپیکا پڈوکون سمیت ان کا پورا گھرانہ کرونا  کا شکار

دپیکا پڈوکون سمیت ان کا پورا گھرانہ کرونا کا شکار